Eri Wokajil Ajchajil Tinamit xkiya’ loq utzijol che e k’o 11 chi e ajtoq’il pwaq xechapataj ri’, e lajuj chi ke ri’ taqom loq kichapik, pa le zona 1, Santa Catarina Pinula, Villa Nueva, Amatitlán, Chinauta, Escuintla xuquje’ pa Santa Rosa ri’, xuquje’ k’o ixoq pache’ tz’apib’al are jun ri’.
Chi ke ri xechapataj ri’ e k’o ri’: al Luz Evelia Xitumul Vásquez, 48 ujunab’, al Paula Esmeralda Ramírez García, 22 ujunab’, al Evelin Yessenia Gameros García Aguirre 28 ujunab’ xuquje’ al Yeimi Izabel López Sánchez, 24 ujunab’, al Elocadia Hernández Morales, 59 ujunab’, al Doris Sofia Montenegro Gil, 37 ujunab’, al María Isabel Alonso Chávez, 19 ujunab’, alias «la china» xuquje’ a Osmán David Silvestre Cuy, 20 ujunab’ ri’.
Xuquje’ pa le zona 1 ri’ xechapataj wi loq a Yordan Iván Ortega Navarro, 27 ujunab’, alias «el lobby» xuquje’ ri al Andrea Gabriela Arriola Hernández, 24 ujunab’ alias «la chaparra» ri’, kab’ixik e uwinaqil ri mara 18 ri’.
Eri jun a Brandon Omar de los Reyes Paredes, 21 ujunab’, kab’ixik xchapataj pa Barberena, Santa Rosa, ri are xriqitajik aretaq reqam b’i wajxaqib’ chi k’olib’al ruk’ marihuana ri’ xuquje’ ruk’ 11 chi ch’a’wib’alil, are wari’ uk’amom b’i rech kujach pa taq k’ayib’al xuquje’ chi ke e ajb’inisal ch’ich’ che ri kakitoq’ij pwaq chi ke, are la’ katajin utzukuxik uwach ri’.
Eri tzukunelab’ rech ri División Nacional rech q’atel taq Pandillas ri’ e are xechapoj loq jun ixoq ub’i’ Gladys Johana Sioc Ortiz, 27 ujunab’ ri’, ri k’o pa le Japache’ Tz’apib’al kech Ixoqib’ Santa Teresa k’o pa le zona 18 ri’, kab’ixik rumal ajtoq’il pwaq ri’.
Eri b’iw ub’ixik kumal ri winaqilal are la’ xtob’anik rech xb’antaj kowonem k’o xechapataj kumal ri q’atb’al tzij ri’, are chi’ k’o tzijol xkitzuj loq pa le 110, 1574 xuquje’ 1561 ri’.