Eri q’atb’altzij rech ri Wokajil Japache’ Tz’apib’al xkiya’ loq ub’ixik e k’o jun mil chi winaqil kichapom chi b’i pa taq japache’ tz’apib’al pa we amaq’ rumal xkinimaj ta ri uq’atej tzij xtaq loq rumal ri k’amal b’e amaq’ rech ri Toque de Queda, are wa’ pa le uq’atexik ri jun k’ax yab’il rech Coronavirus COVID-19 ri’.
Eri rajilanik ri’ are xmajtaj loq pa le 30 rech abril pa we kamik, chi’ k’u ri’ e k’o 68 chi winaqil ri’ xechapataj loq pa viernes kanoq.
Rumal k’ut eri winaqil ri’ xkinimaj ta ri Toque de Queda xek’am b’i pa nimaq’atb’latzij ub’i’ Torre de Tribunales ri’ chi’ k’u ri’ eri Q’atol tzij are kuq’at tzij pa kiwi’ xuquje’ wexa’ tane’ kekowin taq kakitoj ri tojb’al chi kij keb’e ri’ pache’.