Eri Wokajil Ajpatanem rech Ajq’atil Pandillas (DIPANDA) rech ri Subdirección General rech Investigación Criminal (SGIC) rech ri Wokajil Ajchajil Tinamit (PNC), we kamik k’o k’i b’anoj tzukunem xkib’an pa taq k’olib’em pa we amaq’, rech xetzukkuxik ri uwinaqilal ri jun molaj b’anol k’ax elaq’nik toq’inik pwaq chi ke e ajchoq’e ri ch’ich’ rech erelwinaq pa nimatinamit ri’.
Eri b’anoj tzukunem ri’ are wa’ xb’antaj kumal reqa’lenel ri DIPANDA xuquje’ ruk’ kitob’anik ri q’atol tzij rech ri Ministerio Público (MP) rech ketajin che unimaxik ri taqanem rech b’anoj tzukunik xuquje’ rech k’o kechap loq, are wa’ xutaq loq ub’anik rumal ri’ Q’atb’altzij rech ri tinamit rech Villa Nueva ri’.
Rumal ri b’anoj tzukunem ri’ e k’o kajib’ chi winaqil xechapataj loq, e keb’ achijab’ chi ke kuk’ keb’ ixoqib’, ri kab’ixik eri kimaj are b’anoj toq’inik pwaq chi ke winaq ri’.
Pa le colonia Buena Vista, barrio El Gallito, zona 3 rech pa nimatinamit, chi’ xchap wi loq jun achi ub’i’ Abel Tiberio Suchite Echeverría, 38 ujunab’ ri’.
Emu wa’ pa le colonia El Tabloncito, zona 1 rech ri tinamit rech Villa Nueva xchapataj wi loq a Mario Rodolfo López Chajón, 24 ujunab’.
Xuquje’ e pa le colonia Sanjuaneros, zona 0 rech pa tinamit San Juan Sacatepéquez xechapataj wi loq e keb’ ixoqib’ e are k’ut: al Karla Judith Buch Garzón, 28 ujunab’ xuquje’ a Jacqueline Analy Marroquín Garroz, 33 ujunab’.
Eri e ajb’anol tzukno’jchak ri’ xkib’ij eri nik’aj b’anol k’ax ri’ kakitoq’ij pwaq chi ke e ajchoq’e ch’ich’ rech erelwinaq pa tinamit, chom le pwaq tajin xkitoq’ij chi ke ri’ rech man k’ot jun kikamisax chi ke ri’. Rumal wa’ xtaq kichapik, rumal k’ut xechapataj loq are wa’ jun nim q’atenik xb’an che we jun nim molaj b’anol k’ax ri’.