E k’o keb’ alab’om e ajtoq’il pwaq ri’ xechapataj loq

Pa le kaq’atexik ri molaj b’anol k’ax e pandillas ri’ che ri tajin kakitoq’ij pwaq maj pa usaqil ri’, eri reqa’lenel ri Wokajil e Ajq’atil ri Pandillas (DIPANDA), e k’o keb’ ri’j achijab’ xuquje’ jun q’apoj ala xkichap loq aretaq e xe’opan che uk’amik ri pwaq xkitoq’ij ri’ pa le calle principal, zona 6 Aldea Piedra Parada, Santa Catarina Pinula.

Eri xechapataj loq e are: a Jonathan Alverto Yocute, 26 ujunab’ xuquje’ a  Carlos Fernando Pozuelos Benitez, 18 ujunab’, xuquje’ k’o jun ala 17 ujunab’ xchapataj loq.
Eri q’atb’altzij xkib’ij eri nik’aj alab’om ri’ e uwinaqil ri Barrio 18, rech ri clica “Solo Para Locos” (SPL) ri’.

Eri nik’aj b’anol k’ax ri’ sib’alaj tajin xkitoq’ij Q.10.000.00, chirech jun winaq, aretaq xe’opan che uk’amik ri pwaq xchomataj kuk’ eri ajtzukno’jchak rech DIPANDA xchomataj kumal rech kakijach k’ut Q.9,000.00, ri xtoq’ix ruk’ nim xib’inik kumal nik’aj b’anol k’ax ri’.

Chi ke nik’aj oxib’ achijab’ ri’ xraqataj wi kajib’ chi ch’a’wib’alil eri jun chi ke ri’ are xkoj che b’anoj toq’inik pwaq ri’, rumal ri’ xb’an chech jun pisob’al k’o ri pwaq chi upam rilik ri xechap chi rij nik’aj b’anol k’ax ruk’ jun kejch’ich’, ri k’o uwuj pa saqil.

Rumal ri’ xek’am b’i pa q’atb’altzij ri’ eri jun ala b’anol k’ax xk’am b’i pa q’atb’altzij rech kachomax wi ri are.

Ultimas noticias

Alerta de Corrupción