E k’o keb’ chi winaqil xechapatajik rumal qupin che’ maj pa usaqil

Eri reqa’lenel ri Wokajil Ajchajil K’ache’laj (DIPRONA) rech ri Wokajil Ajchajil Tinamit (PNC) pa keb’ tzukunik xb’antajik chi’ k’u ri’ e k’o keb’ chi winaqil xkichapo rumal qupin che’ xuquje’ rumal uk’amik b’i ri che’ ri’ che ri q’atim resaxik pa we amaq’.

Pa le nab’e tzukunik xb’an kumal ajchajil tinamit xchapatajik jun achi ub’i’ Francisco Cuc 53 ujunab’ pa jun k’ache’laj k’o pa le aldea Panquiyou, pa Santa Cruz, Alta Verapaz, chi’ k’u ri’ xraqatajik tajin kuqupij jun che’ rech ri Liquimdambar ri k’o lajuj etok’al raqan ri’ xuquje’ k’o 0.90 chi etok’al rij ri’ ri maj pa usaqil kaqapux tane’, rumal ri’ xk’am b’i pa q’atb’altzij rech pa tinamit Santa Cruz Verapaz ri’.

Eri jun chik xchapataj loq pa le nimab’e tz’aqim uwach chi la’ pa la Moreira, Santa Cristóbla, Chuwi’meq’ina’ chi’ k’ut xchapataj wi loq a Frnacisco Cac Luxc 36 ujunab’, kumal reqa’lenel ri DIPRONA, aretaq e b’enaq che kaqan pa ya’olchajinem ri’ are chi’ xkiq’atij jun ch’ich’ rech xkisolij upam ri’ k’a te xkiriqo pa le jun ch’ich’ Toyota, chajchoj rij, xuquje’ chi upam k’ut b’enaq wi le si’ paq’om chik uwach rech b’aqat, qaraj k’o keb’ chi etok’al rij ri’.

Eri q’atb’altzij ri’ xkib’ij aretaq xkitaq uwuj maj jun xk’ut tane’ chi kuwach ri are ri’ kesax pa le Instituto Nacional rech K’ache’laj (INAB) ri xub’ij man k’ot uwujil ri’.

Alerta de Corrupción

Ultimas noticias