E k’o keb’ ri’j winaq ruk’ jun ala xechap loq, rumal k’o jun ch’ich’ xkeleq’aj loq

61

Pa le uterenb’exik jun ch’ich’ xeleq’axik, eri eqa’lenel rech ri Wokajil Ajchajil Tinamit (PNC) rech ri comisaría 13, pa aninaqil, xkiterenb’ej uraqik jun ch’ich’ pa jun ja k’olib’al ruk utob’anik jun GPS xkikojo xuquje’ rumal ri’ e k’o keb’ ri’j winaq ruk’ jun ala xkichap loq, pa le Central 4, aldea el Carmen, rech pa tinamit rech Santa Catarina Pinula.

Eri q’atb’altzij rech ajchajil tinamit xkib’ij eri xechap loq e are ri’ a Carlos Efraín Escobar Contreras 29 ujunab’, Marvin Estuardo Hernández López 19 ujunab’ xuquje’ ruk’ jun ala 16 ujunab’ kab’ixik e are xek’am b’i pa Q’atb’altzij ri’.

Eri nik’aj b’anoj k’ax ri’ xechap loq aretaq xek’am b’i pa q’atb’altzij, eri nik’aj e itzel e ajchajinelab’ ri’ xechap k’ut rumal le Q’atol tzij, ri xutaq kichapik ri e oxib’ winaq ri’ rumal k’ut xraqataj pa le kachoch, le ch’ich’ are uplacas rech kab’inisaxik P-493HDH marca Mitsubishi, modelo 2014, che ri keleq’am b’i, ri xraqataj utzijolil pa le #PNC le kab’ixik are xeleq’am b’i pa le 16 rech septiembre rech pa junab’ir kanoq pa le 8 avenida entre 39 xuquje’ 40 calle zona 8 rech nimatinamit ri’ aretaq keqam b’i k’aqb’al ri’.

Rumal ri’ ei kachoch nik’aj winaq ri’ sib’alaj chajim kumal reqa’lenel ri PNC, rech eyem utzukuxik upam ri’ rumal q’atb’altzij rech katz’aqatisax ri utzukuxik uwach ri’.