Eri reqa’lenel ri Wokajil Ajchajil K’ache’laj (DIPRONA) che ri e taqom pa Santa Lucía, Cotzumalguapa pa Escuintla chi’ xkichap wi loq jun achi ub’i’ Artemio Garrido Álvarez 50 ujunab’ xuquje’ a Edras Emanuel Chomo Osorio 20 ujunab’ kab’ixik e are xb’an tzij chi kij kumal ri winaqil rech ri Puerto San José ri’.
Eri tzij xb’an chi kij ri’ are pa awalik xb’ij ri’ chi la’ chuwach ri q’atib’al San Marino, rech ri tinamit Puerto rech San José ri kalew ri’ ri palow chi’ xopan wi jun jukub’ ub’i’ Proverbios I, xuquje’ chi upam k’ut xraqataj wi jun uti’ij jun nim kar ri’.
Jacha’ ri kab’ixik eri jun nim karil ri’ are kab’ixik tajin usachik uwach are wari’ jun chi ke ri 17 chi karil che ri pa awalik kak’ayix ri’ are wa’ k’o 600 chi pajb’alil kapajan ri’.