Ruk’ wari’ are taqim uq’atexik ri toq’inik pwaq xuquje’ ruk’ nik’aj b’anol k’ax chi’, rumal ri’ we kamik xmajtaj ri tzukunem ya’olchajinik pa le tinamit rech Villa Nueva, rumal ri’ eri reqa’lenel ri Wokajil Ajchajil Tinamit (PNC) pa komonchak ruk’ ri Wokajil Ajchajil Amaq’ xuquje’ rajchak ri Ministerio Público ketajin chi’.
Eri q’atb’altzij rech ajchajil tinamit e k’o chik ri nab’e e ajb’anol k’ax e ajtoq’inel pwaq rech ri clica “Crazy Gangster” rech ri Barrio 18, xechapataj loq kumal, pa le tzukunem ya’olchajinik rech Recuperación xuquje’ Control 2 pa taq le juyub’ tinamit rech Villa Nueva.
Eri wokajil ajchajil tinamit, ketajin pa tzukunem ya’olchajinik ri’ aretaq xya’taj ub’ixik rumal ri K’amal b’e Amaq’il, Alejandro Giammattei Falla ri Korlim Ya’olchajinik kab’an le tinamit ri’.
Pa le tzij xuya’ ri K’amal b’e Amaq’ xuta chi ke winaqil tinamit rech chakib’ij loq pa taq le ch’awib’alil 110 xuquje’ 1574 katzijol ri winaq e b’anol k’ax chi’, rumal k’ut xaq xu’ wiri’ pa komonil ri tinamit xuquje’ ri q’atb’altzij kujkowin che kaq’atexik nik’aj b’anol k’ax ri’.