Eri tzukunelab’ rech ri Subdirección General rech Investigación (SGIC) rech ri Sección Contra Delitos Informáticos (Cibercrimen) pa komonchak ruk’ ri Ministerio Público k’o jo’ob’ chi tzukune, xkib’an k’ut pa taq le zonas 6, 7, rech Mixco xuquje’ pa Cobán, Alta Verapaz, pa le utzukuxik upichik uwach ri b’anoj k’ax b’anom ri’ rech kaya’ uchuq’ab’ kichapik ri b’anol taq k’ax che ri taqom kichapik rumal q’atb’altzij.
Are wa’ xnab’ejsax ub’ixik ri kichapik ri kajib’ winaq rumal k’o elaq’ kib’anom, k’o jastaq kesam pa kiq’ab’ le winaq ri’, k’o nima’q taq elaq’ kib’anom ri’.
Rumal ri b’anoj tzukunem ri’ pa zona 6 e k’o waqib’ chi winaq xechapataj loq e are ri’ a Santos Beatriz Hernández Muñoz, 27 ujunab’, ri xtaq loq uchapik rumal le Q’atb’altzij rech Mixco, rumal elaq’ xub’an, pa le 7 rech agosto rech pa junab’ ri’.
Eri Alberto Escalón Meletz, 54 ujunab’, ri taqom uchapik rumal q’atb’altzij rumal k’o nim jastaqil xreleq’aj k’ut, rumal ri’ xtaq loq uchapik rumal ri Q’atb’altzij rech ri tinamit rech Tz’oloja’ pa le kajib’ q’ij rech mayo rech ri junab’ 2017 ri’.
Pa le zona 8 rech pa tinamit Cobán, Alta Verapaz, xchapataj wi loq a Roy David Ramírez Ruiz, 33 ujunab’, kab’ixik k’o nim elaq’ ub’anom xuquje’ k’o nim jastaq resam chi ke winaq, rumal ri’ pa le 7 rech agosto rech pa junab’ kab’ixik eri Q’atb’altzij rech Mixco xutaq loq uchapik.
Pa le zona 8 rech Mixco pa jun tzukunem xb’anik rech taqim kichapik rumal q’atbaltzij ri winaqil e b’anol k’ax xuquje’ rech are wa’ ya’el uchuq’ab’ kichak ri e ajtzukunel chi ke ri’.
Pa le b’anoj tzukunem are xterenb’exik jun nim tzukunik xb’an kanoq pa noviembre xuquje’ diciembre rech ri 2019 chi kij ri e ajb’anol k’ax pa le banca virtual, chi’ k’ut e k’o jun molaj winaq e b’anol k’ax ri xkeleq’aj retal ki’okib’al kipwaq k’o pwaqb’al ja rech xkeleq’aj ri kipwaq ri’, rumal ri’ k’o jun nim k’ax xkib’an chi ke ri winaq ri’, rumal ri’ sib’alaj katajin katzukuxik rech keq’atexik.