E reqa’lenel ri Comisaría 11 rech ri Wokajil Ajchajil Tinamit, pa aninaqil k’ut xkichap loq e oxib’ taq elaq’omab’ aretaq xk’is katerenb’exik pa le 5ª avenida xuquje’ 17 calle final rech ri zona 3 pa uk’u’x nimatinamit xuquje’ ri xk’is pa le 1ª avenida xuquje’ 18 calle rech pa wokja ri’.
E are a Cristian Mateo Trinidad Arango 44 ujunab’, a Edwin Estuardo Pérez 22 ujunab’ xuquje’ a Félix Morales Girón 55 ujunab’ ri xechap loq, kab’ixik e are xkib’an ri jun elaq’ chi ke jun ajk’ayinel pa uch’ich’ ri’.
Eri nik’aj elaq’omab’ ri’ e are xkik’am b’i ri k’ayij xkeleq’aj pa jun ch’ich’ pick up P-705BJP, maltyox b’a’ che ri pa aninaqil ri e ajchajil tinamit rumal ri xya’taj loq ub’ixik ri’.
Eri PNC xuya’ utzijol eri jun achi ub’i’ Trinidad Arango k’o wuqub’ mul umak b’anoj k’ax ub’anom ri’, rumal b’anoj taq elaq’nik, rumal k’o elaq’ ub’anom pa taq ja ri’ xuquje’ rumal reqam k’aqb’alil maj pa usaqil ri’.
Eri Morales Girón, k’o jo’ob’ uwach b’anoj k’ax ub’anom ri’ rumal k’o winaq e releq’am b’i, k’o elaq’ ub’anom, k’o elaq’ qas uchomam ub’anik ri’.