Pa uterenb’exik ri jun b’anoj tzukunem ri’, eri reqa’lenelab’ ri Wokaj Ajchajinelab’ e Ajq’atenel Pandillas ri’ (Dipanda) rech ri Wokajil Ajchajil Tinamit (PNC), e k’o oxib’ achijab’ ruk’ jun ala xkichap pa le colonia Nueva Empagua, zona 10 rech Mixco, ri xkaj xkikamisaj jun winaq chi la’ k’ut.
Are chi’ xechapik, eri reqa’lenel ajchajin tinamit xkilo che are k’ut jun achi ub’i’ Gerber Gustavo Cifuentes Marquez, 33 ujunab’, a Marvin Osvaldo Izoy Gutierrez, 18 ujunab’, a Jorge Pablo Asensio Armas, 26 ujunab’ xuquje’ jun ala 16 ujunab’ ri’.
Eri nik’aj xechap ri’ e uwinaqil ri jun molaj b’anol k’ax ub’i’ Barrio 18, clica Crazi Chapín xuquje’ are keqam jun k’aqb’al ri kab’ixik xa’ keleq’am ruk’ jun chik xaq kib’anom, ruk’ 32 chi ub’aq’ k’aqb’alil ri’, ruk’ 22 ub’aq’ k’aqb’alil ri kojom kumal ri wokajil ajchajil tinamit, ruk’ waqib’ ub’aq’ raqarik ka’qb’al xuquje’ oxib’ chi ch’aweb’al ri’.
Konojel ri xechapataj ri’ xek’am b’i pa q’atb’al tzij.