E k’o waqib’ beliceños, kab’ixik e uwinaqil ri jun pandilla che tajin xkib’an k’ax pa tinamit le’, xechapik xetaq b’i pa katinamit ri’, kumal reqa’lenelab’ ri INTERPOL Guatemala ri’.
Kab’ixik xch’ob’otaj kuwach e are ri’ a Jaime Nolberto Coote, 25 ujunab’, kab’ixik k’o oxib’ k’ax umak ub’anom ri’ b’anoj elaq’ chi ke winaq, k’o misiles e uk’aqom ri’, kab’ixik are taqanel rech jun mara k’o pa Belice ri’.
Eri Justin Floyd Palacios, 20 ujunab’, kab’ixik k’o jun nim elaq’ xub’an ri’, k’o k’ax xub’an pa juyub’ k’o ajchoq’e, k’o k’aqanik xub’an ri’, xutij kikamisaxik winaq ri’ xuquje’ k’o misiles xuk’aq ri’.
Eri Vicent Esron Martínez, 28 ujunab’, kab’ixik k’o kajib’ chi b’anoj elaq’ ub’anom ri’, k’o ajpache’ resam pa kiq’ab’ ajchajil rech, k’o elaq’, k’aqanik ub’anom ri’.
Eri Fernando Ávila, 20 ujunab’ kab’ixik k’o k’ax elaq’ xub’an ri’ xuquje’ k’o awan kunb’alil reqam ri’, eri Jerimy Waylon Leslie 40 ujunab’xuquje’ k’o jun ala 17 ujunab’ ri’.
Eri e are ri’ xeriqitajik pa Izabal, pa k’ulb’a’t juyub’ Entre Ríos xuquje’ pa frontera Puerto Cortés, Omoa, Honduras ri’. Xechap b’i xetaq b’i pa q’atb’al tzij rech pa katinamit Belice kumal ri Interpol ri’.
Xuquje’ kab’ixik e are uwinaqil jun molaj b’anol k’ax ri kakeleq’aj jukub’, uranch’ich’ xuquje’ nik’aj nimajukub’, pa taq nik’aj chik tinamit rech naj, k’o awan k’ayin k’aqb’al ruk’ nik’aj jastaq maj pa usaqil xkib’an chi la’ ri’.