E k’o nik’aj pandilleros xechapataj uloq kab’ixik rumal keb’ k’aqanik xkib’ano

92

 

E are ri’ a Jason Henry Ramírez, alias “el jorocho” 23 ujunab’ xuquje’ a Edwin Jesús Ramírez 19 ujunab’, xechapataj uloq kumal reqa’lenel ri División Nacional rech Q’atel taq Pandillas, (DIPANDA), kab’ixik e nik’aj b’anol k’ax k’o keb’ k’aqanik xkib’an ri’, pa le xkam wi jun ala xuquje’ ruk’ jun ixoq xkisako.

Eri keb’ b’anol k’ax ri’ kab’ixik e uwinaqil ri mara 18 xuquje’ eri e are ri’ xechapataj uloq pa jun tzukunik xb’antaj ri’, are wa’ pa komonchak tzukunik ruk’ ri Ministerio Público, pa le 3ª avenida xuquje’ 1ª calle, rech ri zona 16, chi’ k’u ri’ xraqataj wi keb’ raqarik kaqb’alil AK-47 ruk’ keb’ k’olib’al ub’aq’ ri’.

Eri nab’e chi ke kab’ixik xchapataj uloq pa le colonia Santa Rosita, zona 16, chi’ k’u ri’ xk’aq wi jun ala 16 ujunab’, ri xkamik aretaq xopan pa ja rech b’anoj kunanem ri’.

Eri ukab’ b’anoj k’ax chik are xk’ulmataj chi uwach jun k’ayib’al kaxlanwa pa le colonia ri’, chi’ k’u ri’ k’o jun ixoq 18 ujunab’ xmajtaj che k’aqb’alil che upam ri’. Eri ali ri’ sib’alaj k’ax karaqatajik pa uwi’ uch’ateb’al. Eri keb’ b’anoj k’ax ri’ are xk’ulmataj pa le 12 rech octubre ri’.