E k’o nik’aj xechapatajik ruk’ jastaq xriqitajik pa taq tzukunem ri’

Are wa’ uwach ri B’anoj tzukunem xb’antaj pa komon taqawokajilal rech pa le kchapik nik’aj b’anol k’ax ri’, rumal k’u ri’ eri reqe’lenel ri Especializada rech Investigación Criminal, reqe’lenel ri  Wokajil Ajchajinelab’ e Ajq’atel Pandillas ri’ rech ri Wokajil Ajchajil Tinamit xuquje’ kumal ri Q’atol tzij rech ri Ministerio Público, xkiya’ loq utzijol che e k’o keb’ chi winaqil xechapatajik xuquje’ k’o jastaq xriqitaj ri’ are wa’ kuya’o uchuq’ab’ ri b’anoj tzukno’jchak ri’.

Pa Ciudad San Cristób’al 2, zona rech Mixco, eri reqe’lenel ajchajil tinamit xkiriq jun ch’a’wib’al xuquje’ k’o winaq xkichap loq chi la’. Are k’u ri’ jun achi ub’i’ Mario Rene Morales Francco 64 ujunab’, eri umak kab’ixik are b’anoj elaq’nik xuquje’ k’o jun ch’ich’ utaretal P519GBL, marca mazda protege, rech ri junab’ 2002 ri’.

Xuquje’ kab’ixik, xriqitaj loq jun k’aqb’al pa Le Barrio el Centro, Aldea San Gabriel Pasuj, tinamit rech San Miguel Chicaj rech Baja Verapaz.

Kab’ixik eri umak are b’anoj k’ax elaq’nik, rumal ri’ eri eqe’lenel xkichap jun achi ub’i’ Edvin Alexander Enríquez Ochoa 22 ujunab’, pa le 7ma. avenida 3-33, zona 9 ri’.

Xuquje’ eri q’atb’altzij rech ajchajil tinamit xkiya’ loq utzijol che pa Escuintla ri’, k’o keb’ b’anoj tzukunem xkib’an ri’ rumal k’u ri’ xkiriq nik’aj ch’a’wib’al ruk’ atz’iyaqb’al winaq ri’ri k’o uwach chi rij ri b’anoj k’ax b’anom ri’.

Rumal k’u ri’ pa le 12 avenida «A» 3-06, colonia la Brigada, zona 7 rech Mixco, eri reqe’lenel ri DIPANDA, chi’ xkichap wi uloq jun ixoq ub’i’ María Magdalena García Pineda 43 ujunab’, eri umak kab’ixik are b’anoj toq’inik pwaq chi ke winaq ri’.

Eri xb’antaj ri’ are uwach ri 31 chi b’anoj tzukunem b’anom pa nimatinamit ri’, pa Escuintla, pa Baja Verapaz, pa Santa Rosa, pa Izabla xuquje’ pa Tz’oloja’, ri sib’alaj xtzukux wi ri k’aqb’alil, jastaq k’o qa’tb’altzij chi rij xuquje’ ri xechap wi loq winaq e b’anol k’ax ri’.

Noticias Recientes