E k’o oxib’ b’anol k’ax uwinaqil ri Mara 18 rumal kamisanik xechapataj ri’

E k’o oxib’ chi kamisanelab’ rech ri mara 18 kab’ixik e are xkikamisaj jun tata’ pa Jalapa, xechapataj loq kumal reqa’lenelab’ ri Wokajil Ajchajil Tinamit (PNC).

Areta xb’antaj ri k’aqanik kumal nik’aj b’anol k’ax ri’, eri reqa’lenelab’ ri Subestación rech Mataquescuintla, Jalapa, xkimaj kitzukuxik ri’, pa jun finca ri’ k’o pa le cantón El Calvario kiwaj wi kib’ xechapataj wi loq xuquje’ xriqitaj jun k’aqb’al Jericho kuk’ ri kab’ixik are xkikoj che uk’aqik ri jun tata’ ub’i’ Vicente Valenzuela Pacheco, 72 ujunab’, ri kaminaq chik xriqitajik che ujolom xkik’aq wiri’.

Aretaq xil kitzijol, xya’taj ub’ixik eri nik’aj b’anol k’ax ri’ eri kijunab’ k’o jun 14, jun chik 16 xuquje’ jun chik 17 ujunab’, are q’ab’em ub’i’ kab’ixik “El Orejón”, kepe pa le colonia El Limón, zona 18 ri’.

E are nik’aj b’anol k’ax ri’ kab’ixik xkikamisaj chi k’aqb’al jun winaq ub’i’ Epifanía Sil Dávila, 52 ujunab’, pa le waqib’ q’ij rech marzo rech ri 2021, pa le cantón El Calvario, zona 2 rech pa uq’ab’ tinamit ri’.

Aretaq xtaq kitzij eri nik’aj b’anol k’ax ri’ xkib’ij che e ajchak pa taq le ch’ich’ ruleteros, che ri kakik’am loq winaq  chi la’ pa le colonia El Limón, zona 18, pa La Parroquia, pa le zona 6 rech pa nimatinamit ri’.

Eri tzukunelab’ rech ri División Especializada rech Investigación Criminal (DEIC), xkib’ij eri jun b’anol k’ax alias “El Orejón”, are xk’am b’i pa q’atb’altzij pa le 22 rech enero kanoq, chi rij jun b’anoj kamisanik xub’an ri’; pa le q’ij ri’, kuk’ e kajib’ ch winaqil xek’am b’i pa q’atb’altzij ri’, rumal kab’ixik e are xkikamisaj keb’ ixoqib’ pa le 17 xuquje’ pa 20 rech enero rech pa junab’ ri’, chi la’ k’ut pa Mataquescuintla ri’.

Noticias Recientes