Eri tzukunelab’ rech ri Wokaj Ajchajinel e Q’atenel Pandillas (Dipanda) rech ri Wokajil Ajchajil Tinamit (PNC), pa komonchak kuk’ ri q’atol tzij rech ri Ministerio Público (MP) iwir xkib’an jun tzukunem, solinik pa jun nimaja k’o pa le 25 avenida xuquje’ 1a. calle, barrio San Antonio, zona 6 rech pa uk’u’x nimatinamit.
Pa le tzukunik ri’ xkichap loq jun ixoq ub’i’ al Jailine Janicely García Navichox, 21 ujunab’ ri’. Kab’ixik ruk’ jun k’olib’al uchiyem ruk’ marihuana ri’.
Eri tzukunelab’, xkib’ij eri jun ixoq ri’ xchapatajik are uwinaqil ri jun molaj b’anol k’ax ub’i’ Parking Locos Salvatruchas rech ri mara Salvatrucha ri’.
Nik’aj chik ri’
Xuquje’ e k’o keb’ chi achijab’ 22 ujunab’ jun chi ke xuquje’ 45 ujunab’ ri jun chik chi ke ri’ xechapataj reqa’lenel ri Subdirección General rech Análisis rech Información Antinarcótica (SGAIA), pa le puqchajinem xb’antaj pa le kilómetro 421.5 pa Raxruhá, Alta Verapaz ri’.
Eri b’iw b’ixik kumal ajchajil tinamit, xkib’ij k’ut eri keb’ winaqil ri’ e are keqam b’i keb’ pajb’al ub’aq awan kunb’al rech coca, ri kiwam b’i pa un mochila ri’. Xesax jun mototaxi pa kaq’ab’ ri’ ruk’ kajib’ chi ch’aweb’alib’al ri’.