E k’o waqib’ chi ajtoq’il pwaq xechapataj ri’

E k’o waqib’ e ajtoq’il pwaq ri’ xechapataj ri’ kumal ri Wokajil Ajchajil tinamit (PNC), pa jalajoj taq k’olib’em xtzukux upam taq pa Escuintla, Chiquimula, pa Chinautla xuquje’ pa le zona 13 rech pa nimatinamit ri’.

Eri xechapataj k’ut e are wari’ a Luis Alfredo Sirin López, kab’ixik are uwinaqil ri mara 18, ri are xchapataj loq pa kilómetro 83 rech ri ojer nimab’e kab’e le Puerto San José, Escuintla, aretaq xopan che usik’ik ri pwaq xutoq’ij ri’ ri b’anom che k’o Q.230 mil chi pwaqil ri’, ri sib’alaj xutoq’ij che jun ajk’ayinel ri sib’alaj xuxib’ij xub’ij che kukamisaj we man k’ot juya ri’.

Eri jun wnaq xchapataj ri’ pa jun b’anoj tzukunem chi la’ k’ut, chi’ k’u ri’ eri reqa’lenel e ajchajil tinamit ri’ xkiriq keb’ chi pisob’al k’olib’al b’anom che k’o ri pwaq xutoq’ij ri’, ruk’ jun ch’a’wib’al xuquje’ jun mototaxi che ri ub’inisam ri’.

Eri nik’aj chik xechapatajik e are k’ut a Carlos Miguel Cantoral, 22 ujunab’, xchapataj ri’ pa la aldea Sabana Grande, Chiquimula ri’. Al Lesly Carina García Delgado, 20 ujunab’, ri xchap ri’ pa Tierra Nueva, Chinautla ri’.

Eri al Zulma Yohana Domínguez Bravo, 27 ujunab’, a Kevin Alexander Zapet Escobar, 21 ujunab’, al Yesenia Peralta Pérez, 21 ujunab’, xechapataj pa le colonia San Fe, zona 13 ri’, kab’ixik e are xkitoq’ij ri Q. 4 mil chi pwaqil che ri winaq xkib’an k’ax chi rech ri’.

Noticias Recientes