E k’o waqxaqib’ xechapatajik e k’o keb’ alitom tajin kab’an k’ax chi ke xraqataj loq

Are wa’ uwach jun tzukunem xb’an iwir pa qajib’al, are wa’ xuya’ utzijol ri eqa’lenel rech ri División Especializada rech Investigación Criminal (DEIC) rech ri Wokajil Ajchajil Tinamit (PNC) che e k’o waqxaqib’ e b’anol k’ax xechapatajik xuquje’ e k’o keb’ alitom xe’esax pa kiq’ab’ nik’aj b’anol k’ax ri’, k’o jun ali are hondureña ri’.

Eri tzukunem kumal ajchajil tinamit are xb’an pa jun auto hotel k’o pa le kilómetro 260 rech ri nimab’e Interamericana, pa rulewal tinamit rech Chinab’jul.

Eri nik’aj b’anol k’ax xechapatajik e are ri’ a Bernardo Rolando Cruz Palacios 67 ujunab’, a Edilzar Josué Santos Rivas 35 ujunab’, a Dimas Nehemías Sarmiento Escobar 36 ujunab’, a Juan Pu Osorio, alias “El Yanqui” 27 ujunab’, a Rubén Arnoldo Mérida de León 47 ujunab’, jun chik ub’i’ Samai Ludim Pérez Lara 20 ujunab’, are winaqil mexicana, ri Cheyla Erlinda Barrientos Lanza 29 ujunab’, rech Honduras xuquje’ ri Sharon Abigail Gonzales Apopa 25 ujunab’, eri k’ax tajin xkib’ano are k’ayin awan kunb’alil chi ke ri kakitij ri Marihuana ri’.

Xuquje’ e k’o keb’ alitom jun 16 ujunab’ le jun chik 17 ujunab’, jun chi ke are qawinaqil ri jun chik are hondureña, ri xek’am b’i pa le Procuraduría General rech ri  Amaq’il (PGN) rech keto’ik xuquje’ kakub’isax kik’u’x  ri’, jeri’ xraqataj jo’ob’ chi ch’a’wib’al rech eqam, ruk’ 27 chi ub’aq’ k’aqb’alil rech 9 milímetros, ruk’ Q2, 146 chi pwaqil b’otolik, ruk’ keb’ chi k’aqb’alil xuquje’ ruk’ jun raqarik k’aqb’al.

Ultimas noticias

Alerta de Corrupción