Pa we junab’ wi, eri Sección rech Trata de Personas rech ri Wokajil Ajchajil Tinamit xuquje’ ruk’ ri Ministerio Público ri’ e k’o wuqub’ chi molaj b’anol k’ax che ri kakeleq’aj b’i ak’alab’ xuquje’ ixoqib’ pa we amaq’, ketajin che tzukunem pa Esquipulas, Chiquimula ri’.
Eri q’atb’altzij rech ajchajil tinamit ri’ xkib’ij loq che k’o jun molaj b’anol k’ax eri uwinaqil e centroamericanos xuquje’ e k’o waqib’ chi ke e aj pa tinamit ri’.
Pa le nuk’ulemal tzijol ri’, xq’alajin wi chi k’o 125 b’anoj tzukunem b’anom, e k’o 94 chi winaqil e chapom xuquje’ e k’o 18 chi ixoqib’ ri’ xetaq b’i pa migración rumal maj pa usaqil kewa’kat pa Ixim Nimatinamit ri’.
Rumal ri’ eri q’atb’altzij rech ajchajil tinamit xe’usik’ij kitat nan ri ak’alab’ ri’ rech chakilo b’a’ ri kalk’uwal rech keleq’ax ta b’i kumal nik’aj nuk’wokaj elaq’omab’ e b’anol k’ax ri’ che ri are pa b’anoj itzelb’anik ri kalk’uwal ri’, rech kakikoj pa k’ax chak xuquje’ rech kakikoj pa pornografía infantil ri’.
Rumal ri’ wexa’ k’o kak’ulmataj wari’ rajwaxik b’a’ pa aninaqil chib’ij panoq pa le 110 kuk’ ri Wokajil Ajchajil Tinamit ri’ rech kixchomax kumal ri’.