E nik’aj pandilleros keqam nim k’aqb’alil aretaq xechapataj loq

Pa jun tzukunem xb’an rumal ri División rech Investigación Policial (DIP) rech ri Wokajil Ajchajil Tinamit che ri jun nim ch’ich’ rech eqa’lenib’al, xkiya’ loq utzijol e k’o oxib’ pandilleros xchapataj loq keqam keb’ k’aqb’alil ri’.

Are wa’ uwach ri jun tzukunem xb’antaj kumal e sak’ajil ajchajil tinamit ri’ pa le 28 calle xuquje’ 15 avenida, Boulevard La Pedrera, zona 6 rech ri Nimatinamit, rech chi’ xkichap wi loq e oxib’ achijab’ che ri keqam jun k’aqpulunk’un ri’.

E are wa’ ri xechapataj loq: a Daniel Josué López Arriaza, alias “El Gordo” 36 ujunab’, a Edgar David Juárez Eguizábal, kab’ix che “El Colocho” 24 ujunab’ xuquje’ a Pablo Adalberto Velásquez Salazar ri kab’ix che “El Paco” 33 ujunab’, kab’ixik e uwinaqil ri jun molaj e ajb’anol k’ax, aretaq e b’enaq pa jun ch’ich’ marca Marzo ri uplakas are P-54HGX ri’.

Ultimas noticias

Alerta de Corrupción