E reqa’lenelab’ ri DIPRONA xkichap jun ajtoq’il pwaq pa Chimaltenango

Maltyox chi ke reqa’lenel ri Wokajil Ajchajienalab’ K’ache’laj (DIPRONA) rech ri Wokajil Ajchajil Tinamit (PNC) ri ek’o pa chajinem Chimaltenango keta’m k’ut ri upatanib’al rech kachajixik ri winaqil chi la’ k’ut rumal ri’ xkichap loq jun ajb’anol k’ax ri’.

Eri ajchajil tinamit ri’ pa le k’ayib’al La Económica xkichap wi loq, ri k’o pa le nab’e okib’al pa le aldea Santa Isabel, chi la’ k’ut pa tinamit Chimaltenango ri’.

Eri xchapata loq are ri’ jun achi ub’i’ Juan José López Racanac 20 ujunab’, are kab’ixik kumal ri winaq chi’ ajtoq’il pwaq chi ke ri winaqil ri’, aretaq xe’opan ri ajchajinelab’ pa le k’ayib’al ri’ xkisolij, k’a te xkiriqo reqam jun ch’a’wib’al ri’ are ri’ kukojo rech kub’an panoq nim xib’inik chi ke ri ajk’ay chi’ rumal ri’ xchapataj loq.

Noticias Recientes