E waqxaib’ xechapatajik pa 17 b’anow tzukunem ya’olchajinik, kab’ixik rumal e are jun molaj winaq e ajpoq’sal pwaqil ri’.
Eri b’anow tzukunik chi kij ri’ are xb’antaj pa taq tinamit rech Iximulew, Jutiapa, Tz’olja’ xuquje’ Petén.

Eri xechapatajik kab’ixik eri kimak are choman b’anow k’ax, poq’san pwaq maj pa usaqil ruk’ nik’aj chik ri’.

Eri xechapatajik xch’ob’otaj kuwach ri’ e are a William Darío Molina Ruiz, a José Rolando Par Cuc,a  Marco Antonio Arana Mazariegos, a Marco Antonio Arana Orantes, al Iria Mayte Monterroso Álvarez, a Byron Rene Duque Pimentel, a José Ernesto Ramírez Dávila xuquje’ a Byron Manfredo Méndez López ri’.

E jun molaj winaq e b’anol k’ax ri’ e kakiq’axaj le pwaq che ri kakipoq’saj ri’ xuquje’ kab’ixik e are kakiq’axaj awan kunb’alil. Eri b’anow tzukunem chi kij xuk’utu che jun molaj winaq b’anol k’ax ri’ che jun are kakiq’axaj $10 mil pa $200 mil pa jun q’ij ri’, 3 mul pa jun wuqq’ij, are kakitaq loq k’a pa El Salvador pa Guatemala are rech kakitaq b’ik pa Colombia ri’.

Xuquje’ xch’ob’otajik che e are jun molaj winaq e b’anol k’ax ri’ kakiloq’ b’ik wakax rech ruk’ wari’ kakiya’ pa saqil uwach ri pwaqil rech pa tinamit ri’ ruk’ ri rech naj ri’ pa le uk’exik uwach pa taq cheques pa le pwaqb’al ja ri’.