Eri ajchajil tinamit che ri ke’ok che reqa’lenel FEP rajawaxik na kakesaj jun kowilaj tijonrik ri’

Eri Taqanel rech ri División rech Fuerzas Especiales (FEP) rech ri Wokajil Ajchajil Tinamit (PNC), ri Sub Comisario Esvin Gaspar Jacinto Quiché xuya’ ub’ixik ucholaj ri’ eri tijonem ke’ok’ow wi ri reqa’lenel FEP are sib’alaj tijowchuq’ab’, rumal k’ut rajawaxik b’a’ ketzukux e utz taq reqa’lenelab’ ri Nimawokajil Chajib’al ri’, k’o b’a’ ri kichuq’ab’ ri winaqil ri’ rumal ri’ kecha’ik ri’.

Ri kachaxuk ri’ pa le ub’anikil ri jun uwachtzijonem tzij ri’ “Ri uj kojtijonik jacha’ ri kojkowin chech ri’ xuquje’ jeri’ kujchakunik jacha’ ri ub’anikil kaqatijoj qib’ ri’”, rumal k’ut ronojel ri k’utb’anb’alil ri’ che ri kak’utunik pa le b’anoj tijonik ri’ are k’o pa qatzij tzij ri’ rech are kaqakojo ri’ we jeri’ rajawaxik kaqab’an ri’ xuquje’ rumal ri’ qas k’o pa uchuq’ab’il ri’ jeri’ ri uchakuxik kaqab’ano, xcha’ ri Jacinto Quiché ri’.

Pa le b’anoj tijonem ri’ k’o jun uwach qas are kab’an ri’, ri ub’i’ are eri ukojik xuquje’ ri uchakuxik rech ri Tonfa kab’anik ri e k’o winaq qas k’o kichuq’ab’ xkitijoj kib’ xuquje’ xetijox pa jun chik nimatinamit naj, are ri’ pa jo’lajuj q’ij keta’max kumal ri puq e ajchajil tinamit, rech b’a’ kab’antaj kowinem pa aninaqil kichap jun winaq man ruk’ ta k’aqb’al kakoj tane’ chech ri’.

Eri b’anoj tijonem kicha’ ri taqanel rech ri FEP aretaq xub’ij e chi’ pa qatinamit ri’ chi la’ ketijox wi pa le rachoch ri tijob’al ub’i’ Escuela Centroamericana rech Entrenamiento Canino (ECEC), ri Laguna Del Pino pa Barberena Santa Rosa xuquje’ ruk’ nik’aj tijonik chi ke kakesaj loq pa Estados Unidos ruk’ ri FBI, chi la’ k’ut eri 37 chi k’ut xetijox wi pa le tijonik SWAT, pa Israel ri’, pa le puq chajinem rech Argentina, Chile xuquje’ pa Colombia jeri’ pa taq nik’aj chik tinamit ri’.

Are wa’ rajawaxik kata chech ri ajtijoxel

Eri jun reqa’lenel ri FEP rajawaxik b’a’ kutz’aqatisaj uwach ri’ eri winaq qas karaj katijoxik, k’o chik keb’ junab’ pa le Wokajil Ajchajil Tinamit (PNC), rajawaxik eri raqan k’o jun etok’al ruk’ 65 centímetros xuquje’ rajawaxik kuch’ak ri etab’anik rech eta’mab’alil kakoj wi rumal ri tijob’al rech kaya’ ri uwujil ri’ xuquje’ ya’tal ri’ keb’ sik’ib’al kab’an pa jun junab’ ri’, are wari’ kab’anik jacha’ ri ruk’ ri pwaqil rech tojb’al chak xuquje’ jacha’ ri k’o pa saqil rumal ri’ jun itzel yab’il pa uwachulew xuquje’ chi’ rumal ri jun coronavirus COVID – 19 xcha’ ri Sub Comisario ri’.

K’o jujun nima’q tzukunem katajinik

Eri Sub comisario xuna’taj ub’ixik che we jun chi ke ri kipatan ri ajchajil tinamit ri’ are ri b’anoj chajinem pa le Nimaja’ Pache’ rech Canadá k’o Escuintla che ri xb’an wi ri jun nim tzukunem ri’ rech uq’atexik ri b’anoj k’ax xb’an chi’ aretaq xekamisax chi’ e 17 chi e ajpache’ e tz’apil chi’ rumal xech’ojinik chi kuwach ri b’anol k’ax pandilleros xuquje’ kuk’ nik’aj chik e ajpache’ ri’.

Xuquje’ xuna’taj ub’ixik eri tob’anik rech xq’atexik rumal ri jun b’anoj k’ax ri’ che ri xb’antaj pa le nimaja pache’ che ri e tz’apil ri alab’om ri’ xuquje’ rech xq’atexik nik’aj chik b’anoj k’ax kumal ri e tz’apil panoq xuquje’ chi ke ri e tz’apil chi’ ri pa nojimal xb’antaj kowinem xechapataj loq chi’ xuquje’ rech xetz’alix b’i pa le nimaja pache’ tz’apib’al chi’.

Pa k’isb’al ri’ eri k’a te xb’antaj ri’, pa we junab’ e k’o kawinaqil ri jun molaj b’anoj k’ax kib’i’ rueda rech ri barrio 18 xek’am loq pa le nimaja pache’ El Infiernito rech xek’am b’i pa le Nimaja Pache’ Tz’apib’al kech Achijab’ rech ri zona 18, chi’ k’u ri’ k’o jun nimalaj chajinem xb’an ri’ kumal ri reqa’lenelab’ ri Grupo rech Acción Rápida (GAR), ri keqam b’i juntir kichakub’al rech kakiq’atij b’anoj k’ax pa taq le nimaja pache’ tz’apib’al ri’ xuquje’ k’o jun chik ukab’ b’anoj ya’olchajinem xb’anik, rech b’a’ uq’atexik b’anoj k’ax ch’ojinik ri’ wexa’ kilik jeri’ kab’antaj kumal ri e ajpache’ e tz’apil chi’.

Ultimas noticias

Agentes anti explosivos de PNC supervisan ventas de Pirotecnia

Luego que autoridades de varias instituciones del país, pusieran en marcha el denominado Plan Belén, agentes de la División de Investigación y Desactivación de...

Departamento de Tránsito lanza campaña de concienciación vial

Con el objetivo de prevenir accidentes en las fiestas de fin de año el Departamento de Tránsito de la Policía Nacional Civil inició con...

PNC, continúa apoyando a comunidades afectadas por tormentas tropicales

Agentes de la Subdirección General de Prevención del Delito (SGPD) de la Policía Nacional Cicil (PNC) brindaron ayuda humanitaria a comunitarios de la Aldea...

Allanamientos contra defraudación y contrabando en Sololá

Agentes de la Policía Nacional Civil (PNC) realizan cuatro allanamientos con la finalidad de contrarrestar el contrabando y la defraudación aduanera. En esta ocasión las...

Policía comunitaria abarcará más de 50 sedes policiales

Con el objetivo de fortalecer los Recursos Humanos de la Policía Nacional Civil por medio de capacitación e intercambio de conocimientos sobre la filosofía...