Are la’ xutaq ub’anik ri Nimpatanel rech ri Ya’olchajinem pa Amaq’il, k’o reqele’n ri Ministro David Napoleón Barrientos, rech xutaq katijoxik ri e’ajchak rech ri wokajil ajchajil tinamit ri’, rumal ri’ e k’o 55 chi reqa’lenel ri Wokajil Ajchajil tinamit (PNC) xetijox chi rij b’anoj rilik uchakuxik uwach ri wujilal e nuk’ul ri’.
Eri tijonem ri’ are la’ xb’an pa le Escuela rech Especialidades rech ri Subdirección General rech Estudios xuquje’ Doctrina ri’, chi la’ k’ut xkik’is wi uwach ri tijonem chi ke chi rij Archivo rech Documentos ri’ ri xya’taj chi ke e 55 chi reqa’lenel ri PNC ri’.
Eri eqa’lenelab’ ri’ e are ri’ e rech ri 55 chi subestaciones rech ri comisarías ri e k’o pa uwokajil ri Distrito Uno ri’, pa le nimatinamit rech Iximulew ri’, xuiquje’ are la’ uwach ri upatanixik ri Proyecto rech Policía Comunitaria Fase II ri’.
Eri tijonem ri’ are la’ xb’antaj jacha ri k’o pa taq ri convenios rech Cooperación Internacional ri’ ruk’ ri Ministerio rech Gobernación xuquje’ ruk’ ri Agencia rech Cooperación Internacional rech ri Japón (JICA) k’o pa Iximulew ri’.
Eri q’atb’al tzij ri’ xkib’ij eri tijonem are la’ xnajtib’ keb’ q’ij ri’ xuquje’ eri xetijonik e rajtijonelab’ ri Subdirección General rech Personal ri’, ruk’ utob’anik ri Agencia rech Cooperación Internacional rech ri Japón ri’, xuquje’ are xutaqij uya’ik uchuq’ab’ keta’mab’al ri e’ajchajil tinamit ri’ pa le b’anoj rilik uchakuxik unuk’ik uwach ri wujilal rech ri taqawokajil ri’ jacha ri k’o pa le uchakuxik pa le jun Modelo rech Policía Comunitaria ri’.