Eri ak’alab’ xuquje’ e q’apojil keniman ta tzij are kub’an chi ke kesachik

 

Rumal ch’ojinik pa taq kachoch winaq, eri oyowal, rumal keniman ta tzij ri’ are  ub’anik kesach ri e ak’alab’ xuquje’ ri q’apojil ri’, are wa’ jujun taq uwach che ri xkiya’ loq ub’ixik ri q’atb’altzij rech ri División Especializada rech Investigación Criminal (DEIC) ri’ rech ri Wokajil Ajchajil Tinamit (PNC), eri taq ak’alab’, taq ala, taq ali xuquje’ ri e q’apojil are kub’an chi ke rech kakesaj b’i kib’ pa taq kachoch ri’.

Pa kajib’ q’ij ri’ eri tzukunelab’ rech DEIC e k’o jo’ob’ chi ak’alab’ e sachinaq xkiraq k’ut rumal xkesaj b’i kib’ pa taq kachoch ri’ rumal k’o che keniman ta tzij, k’o che rumal kech’ay ri’.

Jeri’ xkik’ulmaj ri kajib’ e alaxik che ri xeraqik pa le 26 avenida 32-27 residenciales pa nimab’e rech le fuentes 2 zona 5 rech ri tinamit rech San Miguel Petapa. Jeri’ xuk’ulmaj jun ala kajlajuj ujunab’ ri xraq kumal e tzukunel ri’ pa le tinamit rech sector 3 colonia Nueva Jerusalén, zona 18.

Xuquje’ k’o jun alaj ne’ xraqataj ri’ ruk’ ri unan pa le 3 avenida 37-00 1 Villa Lobos zona 12 Villa Nueva, jeri’ jun chik ala waqlajuj ujunab’ xraqatajik pa jun asentamiento rech ri zona 18.

Konojel ri ak’alab’ ri’ ya’om katzijol e sachinaq pa le Alerta Alba Keneth.

Alerta de Corrupción

Ultimas noticias