K’o jun alaj ala rech ri cantón Ocosito, Retalhuleu, xopanik xusipaj Q10 ri’, che ri xukol ri are rech xuya’ rech kito’ik ri winaqil che ri xkiriq k’ax pa taq le comunidades rech Izabal, Alta Verapaz, Zacapa xuquje’ Chiquimula ri’.
Eri eqa’lenel Juan Carlos Téllez, rech ri Subdirección rech Q’atenik k’ax xub’ij k’ut pane’ b’a’ xub’ij ucholajil che ri alaj ala ri’ man kuya’ ta laj upwaq ri’, eri alaj ak’al ri’, sib’alaj xub’ij che ri are qas kusipaj loq rech jun tob’anem kuya’o chi ke ri ak’alab’ xkiriq k’ax rumal ri nimajab’ ri’ rumal are sibalaj rajwaxik chi ke ri’.
Rumal ri’ eri reqa’lenel ri’ xuloq che ri pwaq ri’ jun pajb’al rech asukar, jun lame’t aseyt xuquje’ jun alaj k’olib’al kape rech xutaq b’i chi ke taq ak’alab’ jun utob’anik ri jun alaj ala retalteco ri’.
Eri laj utob’anik ri’ are xk’am b’i rumal ri LESH xuquje’ ri al LESHI ri’ xuquje’ eri e keb’ ri’ sib’alaj xkimaltyoxij ri tob’anik xya’taj ri’ xukquje’ sib’alaj xkitewchi’j ri alaj ala xtob’anik ri’, jeri’ chi ke konojel ri winaqil rech Retalhuleu ri’ rumal sib’alaj xetikirik xe’opan che ya’ol jastaq rech xetob’an chi ke nik’aj winaqil k’o rajwaxik chi ke rech pa nik’aj chik tinamit ri’.