Pa taq k’isb’al q’ij ri’ eri e itzel winaq ri’ kiq’ansim ub’ixik pa uwachwuj k’amq’aq’nil pa jun video kakik’ut wi resaxik ri antecedentes policiales pa taq cajeros automáticos, man je ta ri’ rumal ri’ eri e ajchajil tinamit xkiq’alajisaj ub’ixik che xa’ xetax rilik ri’ pa le ik’ abril ri junab’ 2018 kanoq are chi’ xtij uch’ob’ik jeri tane’ resaxik ri’, rumal ri’ we kamik kakib’ij apanoq chi ke ri winaqil e aj iximulew xaq mejo’sax chi rij taq ri videos kak’ut apanoq chi ke.
Eri Wokajil Ajchajil Tinamit (PNC) xuq’alajisaj ub’ixik che ruk’ ri k’ak’ tob’chakub’al kamik ri’ eri winaqil e aj iximulew ya’tal chi ke rech kakita’o resaxik ri wujilal ri’ pa le plataforma uwachwuj ri’ https://policiales.pnc.gob.gt ruk’ wa’ maj rajwaxik taj keb’e tane’ pa taq cajeros che resaxik tane’ xuquje’ xaq makiya’ kib’ pa kiq’ab’ b’anol k’ax ri’.
Eri upatan ri wokajil ajchajil tinamit ri’ are rech ke’uchajij ke’uto’o’ ri winaqil xuquje’ rech kutoq’ij resaxik ri wujil ri’ rech maj jun kub’an tane’ cholajisanik pa taq comisarías xuquje’ pa taq ri kesax wi ri wujil ri’ rumal ri’ eri b’anoj okempa internet xa’ pa che keriqitaj wi ri winaq ri’ rech kakita loq are wa’ jun b’anoj utzilem chi ke ri winaqil e aj iximulew ri’.
Eri nimanik ri’ are xmajtaj loq k’a pa le ik’ rech octubre xuquje’ are xuya’ jun nim q’axnik nim upatan pa le resaxik ri wujil antecedentes policiales ri’ ri k’ax resaxik loq, ri kub’sib’al k’u’x xuquje’ ri k’ak’ b’anoj resaxik, xecha’ ri q’atb’altzij e ajchajil tinamit.