Eri reqa’lenelab’ ri Comando Antisecuestros rech ri Wokajil Ajchajil Tinamit (PNC), pa komonchak ruk’ ri Ministerio Público (MP) xkib’an jun tzukunem pa le 2ª avenida 4-25 colonia Ciudad Real 1, zona 12 rech Villa Nueva, chi la’ k’ut paq’ij kamik xkichap ri’ al María Gabriela González De León, 22 ujunab’, kab’ixik are jun xuk’am b’i jun winaq kajk’al (80) ujunab’, paq’ij 10 rech julio rech pa junab’ ri’, pa le zona 7 rech pa uk’u’x nimatinamit; eri nik’aj b’anol k’ax ri’ sib’alaj xkitoq’ij Q800 mil chi pwaqil chi rij rech kakitzoqopij loq.
Eri al González De León ri’, are ri ukaj chi winaq chapom chi rij ri jun k’ax xkib’an chech ri ri’j winaq ri’. Rumal ri’ xtaq uchapik rumal ri Q’atb’al tzij rech pa nimatinamit Iximulew ri’.
Eri xk’ulmataj kanoq
Paq’ij 11 rech julio, eri ri’j winaq xb’an chi re ri’ are la’ xesax pa kaq’ab’ ri b’anol k’ax kumal ri Comando Antisecuestros, are chi’ jun chik yutum b’i kumal nik’aj b’anol k’ax ri’, ri xriqitaj pa jun nimaja k’o pa le zona 7 ri’, rech Prados rech Villa Hermosa, San Miguel Petapa ri’. Pa taq le q’ij ri’ chi la’ xechap wi loq e oxib’ b’anol k’ax chi rij ri’, e are wari’ a Carlos Humberto Pérez Veliz, 23 ujunab’, Alerick Emanuel Quesada García, 22 ujunab’ xuquje’ al Emily Nineth Solares Barillas, 21 ujunab’ ri’.
Eri b’iw ub’ixik kitzijol pa q’atb’al tzij ri’ are la’ xub’an nim upatanib’al rech eri wokaj ajchajil tinamit xekowon che uriqik nik’aj e itzel winaq che ri kakib’an k’ax chi ke ri e utz taq winaq.