Eri kamisanik winaq, eri b’anoj kamisanik, ri toq’inik pwaq, ri ch’ayonik xuquje’ ri kamisanik chi ke ixoqib’, are ri’ ri b’anoj k’ax che ri qas e chapom e k’i b’anom chi rij ri’ kumal reqa’lenel ri Wokajil rech Policía Internacional pa Iximulew, pa we junab’ ri’.

Eri b’anoj k’ax ri’ are ri’ qas b’anom kumal winaq e aj waral taj, e aj pa taq tinamit naj, rumal ri’ xkoj ub’ixik pa taq nimatinamit pa uwachulew, rech kajipix kachapik ri e ajb’anol k’ax ri’, pa taq le nimatinamit e k’o apan are wa’ rech ya’tal pa saqil ri tob’anem ri’ ruk’ ri Interpol, jacha’ ri k’o pa we Iximulew.

Eri kapetib’alil ri winaqil e b’anol k’ax ri’ e aj winaq española ri’ chi la’ kapetib’al ri kajib’ winaq xechapataj uloq pa we junab’, terenb’em chi kij rumal ri kapetib’al salvadoreña e oxib’ ri’ xuquje’ pa k’isb’al ri’ e teren chik ri winaqil brasileña e keb’ chi ke ri’, jeri’ e k’o nk’aj chik winaq e rech nik’aj chik tinamit apan ri’.

Eri rajilab’al wari’ rumal ri Wokajil Ajchajil Tinamit, e utz’ib’am nik’aj chik uwach b’anoj k’ax ri’ are chi rij ri’ e k’o k’i winaq e chapom ri’ jacha’ chi rij b’anoj elaq’, releq’axik pwaq, keleq’axik winaq, b’anoj jo’snik rech elaq’ chi ke winaq xuquje’ ri b’anoj ch’ayonik ri’.