Eri rajilabal utzijolil pa le Inspectoría General (IG) rech ri Wokajil Ajchajil Tinamit (PNC) are kuk’utu che pa le nab’e q’ij enero pa k’isb’al ik’ rech julio eri b’anoj tzij ri’ are opaninaq pa 1463 ri ya’tal utzijol pa taq le q’axel tzijolinem; e 415 e ajmak chi rij ri’ xuquje’ e k’o 1048 ri man k’ot kimak chi rij ri’.
Eri q’atb’al tzij xkib’ij eri ajchajin tinamit che ri kib’anom ri mak k’ax ri’, pa we q’ij tajin kichapik pa q’atb’al tzij ri’ xuquje’ tajin tzukno’jchak chi kij ri’.
Rumal ri’ eri 415 chi ajchajil tinamit chi ke ri 42 000 chi eqa’lenel e k’o pa le taqawokajilal pa we q’ij man qas e k’i ta ri’, xcha’ ri k’amal ub’e ri IG.
Rumal ri’ sib’alaj tajin ucha’ik kuwach rech ke’esax b’i, rajwaxik ri’ kaya utzijol eri konojel ri e ajchajil tinamit ri’ saq kib’e saq kichak ketajin che ub’anik ri’ are la’ tajin rilik uwa’lijsaxik kuwach rumal ri Inspectoría General ri’.
Eri q’atb’al tzij k’o pa keqele’n ri IG ri’ xkib’ij che are wa’ utz ri b’anom ri’ are maltyox che ri xutaq ub’anik rumal ri ministro rech Gobernación, David Napoleon Barrientos xuquje’ rumal ri nimak’amal ub’e ri Wokajil Ajchajil Tinamit (DGPNC) ri’.
Ri b’iw ub’ixik xuquje’ ri kub’sib’al k’u’x
Eri q’atb’al tzij sib’alaj xkiya ub’ixik ucholajil che ri b’anoj tzij b’anom loq are pa taq ri ch’aweb’alil, xuquje’ pa le jun jachakub’al che ri tajin kechomax wi ri winaq xuquje’ pa le departamento rech Análisis Estratégico ri’ che ri kub’an uterne’xik chajinem pa ronojel taq q’axeb’al tzijolinem xuquje’ pa taq le redes sociales ri’.
K’o q’ij ri’ man tzij taj le b’anoj tzij b’anom b’im loq kumal ri winaq, are la’ xa’ jub’ik b’anom loq, rumal ri’ eri Inspectoría ri’ tajin kuta toq’ob’ chi ke ri winaqilal rech xaq makib’an loq q’ab’em tzij ri’ are chi’ k’o ri kakib’ij loq.