Eri q’atb’al tzij rech ri Subdirección General rech Investigación Criminal (SGIC) rech ri Wokajil Ajchajil Tinamit, xkiya’ utzijol che xechajin chi ke e k’iyalaj taq winaq e wa’katel pa taq le k’olib’em ka’yinem uxlanb’al pa Iximulew ri’, are la’ xb’antaj pa le Cholchak rech Ya’olchajinem 22-2021 “Semana Santa 2021” ri’, chi’ k’u ri’ pa jo’ob’ q’ij ri’ xkita kitzijol e 4 mil 569 chi winaqib’ ri’ pa le Puerto de San José, Sipacate, Tecojate, Nueva Concepción, Puerto de Itzapa, Tiquisate, Palín xuquje’ pa la Gomera, Escuintla ri’.
Are la’ kutun rib’ ruk’ ri 604 chi ajtzukunelab’ rech kechajin pa uq’ateri b’anoj k’ax ri’ xuquje’ rech kakub’isaj uwach ri ya’olchajinem pa rulewal tinamit rech Escuintla chi’ k’u ri’ k’o k’i winaq xe’opan ri’.
Pa le rajilab’al xya’taj loq ub’ixik kumal e ajchajil tinamit, e k’o ri’ 15 chi winaqil xechapataj loq, rumal b’anoj elaq’, b’anoj kixib’ixik winaq pa tinamit, rumal toq’inik pwaq, b’anoj kamisanik, rumal k’o kimaj xkib’an aretaq kab’inisam ch’ich’ ri’, rumal kakiya’ ta kipwaq kixoqil, kalk’uwal ri’, rumal b’anoj ch’ojinik pa tinamit xuquje’ e k’o 11 chi pandilleros rech jalajoj taq molaj b’anoj k’ax ri’.
Pa le b’anoj ya’olchajinem ri’, eri reqa’lenel ajchajil tinamit xkitaq kuwujil kitzijol e 2 mil 843 ri’, 750 chi ch’ich’ xuquje’ 530 chi kejch’ich’, xuquje’ e k’o wuqub’ chi kejch’ich’ xechapataj kanoq ri’.
Xuquje’ e k’o 2,585 chi ch’ich’ xuquje’ kejch’ich’ xtaq kitzijol ri’ pa taq le jo’ob’ q’ij rech ri Awas Q’ij ri’.
Kaqaya b’a’ utzijol che k’o jun q’apoj winaq ri ya’tal utzijol pa le Alba Kenneth xriqitaj ri’ xuquje’ xk’am pa le Procuraduría General rech ri Amaq1’il ri’ rech katzukux ri’. Xuquje’ k’o jun ala k’ut xk’am b’i pa Q’atb’al tzij ri’.
Pa le uq’ijol ri uxulanb’al ri’, eri ajchajinel tinamit k’o 18 chi k’aqb’al xkitaq kuwuj i’ ri k’a pa saqil ri’.
Eri xutaq upatanixik rumal ri Ministro rech Gobernación are la’ xunimaxik kumal ri 37 mil chi reqa’lenel ajchajin tinamit ri’ ri xetaq b’i pa tinamit che ri qas ke’opan wi winaqil e aj iximulew xuquje’ kuk’ ri kepe naj ri’.