Are la’ rech taqim katijoxik ri kichak ri Comando Antisecuestros rech ri Wokajil Ajchajil Tinamit (PNC), e k’o 60 chi eqa’lenelab’ kuwach ri’ e k’o achijab’ xuquje’ ixoqib’ ketajin pa le tijonem ub’i’ Curso Avanzado rech Investigación Criminal ri’ rech reta’maxik uq’atexik keleq’axik winaq ri’, are la’ tijonem kab’an pa le Escuela rech Especialidades rech zona 6 ri’.
Eri q’atb’al tzij xkib’ij che we tijonem ri’ are la’ xwok uwach jacha’ ri k’o pa le wujilal rech katijoxik e ajchajil tinamit, e ajtijonel, e ajtzukunel xuquje’ e q’atol tzij rech ri Comando Antisecuestros.
Eri rajchak ri comando ri’ are la’ ketijox chi rij inteligencia estratégica, b’anoj tzukunem, b’anoj tzukuno’jchak xuquje’ uch’ob’ik uq’atexik keleq’axik winaq ri’. Xuquje’, chi rij ub’antajil reta’maxik uq’atexik keleq’axik winaq, ri ajno’jalil ri’, ri q’atoj tzij, ri tob’chakub’al tzijolil xuquje’ tzijob’elil ri’, chi rij b’anoj taq kunanem, chi rij b’anoj puqchajinem xuquje’ kesaxik winaq pa kiq’ab’ b’anol k’ax, xuquje’ rech b’anoj taq k’aqanik ri’.
Xuquje’ e k’o waqib’ chi ixoqib’ tajin kakitijoj kib’ pa le Comando Antisecuestros, ri k’o nimalaj keta’mab’al pa le b’anoj puqchajinem ri’.