Aretaq xb’antaj jun tzukno’jchak chi rij ri b’anoj k’ax ri’, eri tzukunelab’ reqa’lenel ri División Especializada rech Investigación Criminal (DEIC) xuquje’ rech ri Ministerio Público ri’, k’o k’i taq tzukunem xkib’ano pa kachoch winaq pa Izabal xuquje’ Chiquimula, chi la’ k’ut xkichap wi loq nik’aj e kamisanelab’ che ri xkikamisaj keb’ ixoqib’ pa le zona 18 ri’.
Pa jun b’anoj tzukunem ri’ are la’ xb’antaj pa le 1 avenida Colonia San Jorge Uno, Nimab’e kab’e pa Zacapa, pa le raqan nimab’e rech kiqajib’al xik’ch’ich’ rech Chiquimula ri’, chi k’u ri’ xchapataj wi loq jun ixoq ub’i’ Katherine Alexandra Caceros Zenteno 34 ujunab’, al Lyjia Imelda Rios Aguilar 36 ujunab’ ri’.
Xuque’ pa le uq’ab’ tinamit rech Puerto Barrios, rech rulewal tinamit Izabal, chi la’ k’ut xchap wi loq jun ixoq ub’i’ María Fernanda Salguero Caballeros 31 ujunab’ xuquje’ jun achi ub’i’ Lester Jose Alvarez Medina 37 ujunab’. Eri nik’aj kamisanelab’ che ri xechap ri’ k’o elaq’ jastaq, winaq xkeleq’aj b’i, kamisanem xuquje’ b’anoj taq k’ax xkib’an ri’.
Pa le 15 avenida chi uwach ri ja 15-16 zona 1 rech pa Iximulew ri’, xchap wi loq jun achi ub’i’ Eddy Rafael Miss Ordoñez 19 ujunab’, rumal xub’an kamisan winaq ri’.
Rumal ri’ xtaq kichapik loq rumal ri q’atol tzij rech ri q’atb’al tzij rech q’atel k’ax pa tinamit ri’ pa aninaqil.
Eri b’anoj tzukunem ri’ are la’ katajin ri’.