Eri Departamento rech Tránsito tajin kuq’atej riqoj k’ax kumal ri ch’ich’ pa taq nimab’e

Eri Departamento rech Tránsito rech ri Wokajil Ajchajil Tinamit (PNC), k’o pa reqele’n ri Sara Bolaños xuquje’ rumal are la’ xutaq ub’anik ri Q’atb’al tzij rech ri Ya’olchajinem pa Amaq’ ri Ministro David Napoleón Barrientos ri’, pa taq ri nab’e keb’ rech pa junab’ ri’, k’o k’i puqchajinem kib’anom pa taq ri nimab’e pa we amaq’.

Are la’ tajin kowonem rech xq’atexik pa taq nimab’e rech Chimaltenango ri’, pa Sanarate, pa Región Central ri’, pa Escuintla xuquje’ pa Chuwi’meq’ina’ ri’ chi la’ k’ut tajin wi usolixik kaqan ri ch’ich’ we utz wene’ man utz ta kakojik, rech xb’an ri rilik konojel ri ch’ich’ we utz keb’inisaxik, xuquje’ rech xilik we man k’ot tzam kitijom ri e’ajb’inisal ch’ich’ ri’ xuquje’ we man katijom ta kunb’alil rech q’ab’arisab’al ri’.

Eri Nimab’e che ri xb’an wi ri solinem ri’ are la’ pa taq nimab’e rech ri CA-1 Occidente, ri CA-9 Norte, ri CA-9 Sur xuquje’ ri CA-1 Occidente ri’, are solinem ri’ xb’antaj pa enero xuquje’ febrero ri’ pa konojel ri’ e k’o 17,033 chi winaqil achijab’ xuquje’ ri 219 chi ixoqib’ xitaq ri kitzijol ri’.

Eri ch’ich’ xesolixik e k’o pa konojel ri’ 18,425 ri’ xuquje’ are ri’ ri wujtojb’al xkoj che ri winaqil kumal ri Departamento rech Tránsito ri’ e k’o ri’ 9,740 ri’ k’o 257 chi wujilal xchap kanoq, xtaq julajuj chi kitzijol winaq pa le 110 ri’.

Rumal ri’ k’o 855 chi solinik xb’an ri’, k’o 279 k’exom xriqitaj ri’, k’o 245 chi solinik xb’an chi ke ri nima’q ch’ich’ ri’, k’o 275 chi ke ch’ich’ rech erelwinaq, k’o 237 chi kejach’ich’ xesolixik, k’io 292 xesolixik kib’anom chik k’ax ri’ xuquje’ k’o 384 chi ch’ich’ xesolix ri’.

K’o ri tob’anem xya’taj chi ke ri wokajil ri’ eri Departamento rech Tránsito ri’ xub’ij chi k’o tzukunem ya’olchajinik xb’antaj ri’ k’o juk’al mul xtob’an ri PROVIAL RI’, kuk’ ri Kajchajinelab’ Q’atb’al tzij rech Tránsito ri’ xuquje’ ruk’ ri Dirección General rech Transporte ri’.

Ultimas noticias

Alerta de Corrupción