Eri Departamento rech Tránsito rech ri Wokajil Ajchajil Tinamit, pa komonchak ruk’ EMETRA xkib’an jun tzukunik xaq k’a te’et pa le Calzada San Juan, are wa’ rech taqim usolixik kuwujil ri e ajb’inisal ch’ich’ rech ketoq’ixik che rajawaxik ri’ kakikoj tob’al kijolom.
Xuquje’ eri e ajk’ayil rech kejch’ich’ ri’ pa komonb’al ruk’ ri DTPNC xkijach k’ut 100 chi tob’al kijolom ri e ajb’inisal ch’ich’ che ri man k’ot kech kakikojo.
Pa junamil ri’ eri ajchajinel rech Tránsito, k’o jun chik tzukunik xkib’ano pa le Aguilar Batres, chi’ k’u ri’ xijach wiri’ 100 chi tob’al kijolom e ajb’inisal ch’ich’.
Eri Lilian Lima, taqanel rech ri Unidad rech Prevención xuquje’ Sensibilización vial, xuya’ loq ub’ixik che ri tob’al jolom ri xjach chi ke ri e ajb’inisal ch’ich’ rech rajawaxik b’a’ kakeqaj kuwujil ri’ ri man k’o jun karaj chi ke ri’.
“Man xaq ta ri’ xjach ri tob’al jolomaj ri’, k’o qapawsib’al q’aq’ xkoj chi rij, xuquje’ xkib’ij panoq chi ke ri e ajb’inisal ch’ich’ chakib’ana toq’ob’ che ri kik’aslemalil xuquje’ ri kachib’il kik’am b’i”, xcha’ ri Lima.
E k’o k’i e ajb’inisal kejch’ich’ ri’ xkimaltyoxij ri tob’anik chi ke xukquje’ ri tob’al kijolom xjach ri’ xuquje’ chi ke nik’aj chik rumal man k’ot kirajil rech kakiloq’ jun kech ri’.