Eri DIPANDA e k’o oxib’ winaq pandilleras xe’uchap loq e ajk’ayin marihuana ri’

82

 

Eri b’anoj tzukunem xb’antaj kumal ri Wokajil Jachakunb’al rech Q’atel Pandillas (DIPANDA) rech ri Wokajil Ajchajil Tinamit (PNC), k’o b’anoj tzukunem xkib’an pa le zona 18, 21, xuquje’ pa tinamit rech San Pedro Ayampuc, xuquje’ pa tinamit rech Villa Nueva rech juyub’ tinamit rech Iximulew, chi’ k’u ri’ xechap wi loq e oxib’ chi winaqil e b’anol k’ax.

Eri e ajchajil tinamit xkiya’ loq utzijol ri’ xkib’ij eri nik’aj winaq ri’ e uwinaqil ri Pandilla kakib’an k’ax kamisanik rech ri Barrio 18, e are k’ut k’o b’anoj kamisanik kakib’ano xuquje’ k’o toq’inik pwaq kakib’an chi ke ri e ajk’ayinelab’ chi’, xuquje’ k’o marihuana kakik’ayij pa awalil chi’.

Pa le manzana 74, lote 5, cantón porvenir, Canalitos zona 24, eri e ajchajil tinamit, k’o 56 chu’ti’n taq k’olib’al chi upam k’ut k’o marihuana, ruk’ jun reqb’al ub’aq’ k’aqb’al, ruk’ Q.190 qaraj are pwaq rech k’ayin awan kunb’al pa le ja k’olib’al ri’.

Eri winaq xechap loq e are ri’: jun ri’j ixoq Olga Catalina Sánchez González 68 ujunab’ xuquje’ keb’ e ala ri k’o 11 xuquje’ 16 kijunab’.

Xuquje’ pa le 7 calle “A” 15-89 residenciales Terranova, Villa Nueva, xraqataj wi loq: jun k’aqb’alil calibre 9mm xuquje’ waqib’ ub’aq’ k’aqb’alil rech 9mm ri’.