Eri DIPANDA e k’o waqxaqib’ b’anol k’ax xe’uchap loq rech ri mara 18

99

 

Eri tzukunelab’ rech ri Wokajil Jachakunb’al rech Q’atel Pandillas (DIPANDA) rech ri Wokajil Ajchajil Tinamit (PNC) xuquje’ ri Q’atol tzij rech ri Ministerio Público, e k’o waqxaqib’ chi b’anol k’ax rech ri mara 18 xkichap loq, kab’ixik e are k’o toq’anik pwaq xkib’an chi ke winaqil pa juyub’ tinamit rech San Marcos, Xe’laju’, Chimaltenango, Jalapa xuquje’ pa uk’u’x nimatinamit ri’.

Xya’taj k’ut utzijol eri jun molaj b’anol k’ax xechapataj loq pa le: La 5ª avenida Villa Lobos I, chi’ xraqataj wi keb’ raqarik k’aqb’alil, ruk’ marihuana, 34 ub’aq’ k’aqb’alil, xuquje’ chi’ xchapataj wi loq al Carol Mishell García Salvatierra. E pa le manzana G, colonia Canaán, zona 18, chi’ xchap wi loq al Sindy Leticia Andrino Pop 24 ujunab’. Pa le zona 1 rech Xe’laju’ chi’ k’ut eri DIPANDA xkichap wi loq a José Juan Leslie Xicara Godínez 48 ujunab’.

Chi’ xchapataj wi loq al Rosario Sosa García 52 ujunab’, pa le asentamiento Vías rech ri Edén zona 18. Pa le colonia Santa Luisa tinamit rech Chinautla chi’ xchapataj wi loq al Andrea Gabriela Arriola Hernández 23 ujunab’, pa le asentamiento Arzú, sector A, colonia El Paraíso 2, zona 18 chi’ xchapataj wi loq al Ricarda Lorena García Palma, 30 ujunab’, pa le zona 4 rech pa tinamit rech San Juan Comalapa, Chimaltenango xchap wi loq a Edgar Yovani Tucubal Chali, 34 ujunab’, kab’ixik are uwinaqil ri mara 18, pa k’isb’alil ri’ pa le colonia Santa Luisa, Chinautla chi’ xchapataj wi loq al Andrea Gabriela Arreola Hernández.

Eri e are ri’ eri q’atb’altzij ri k’o pa Xe’laju xutaq kachapik pa le jo’ob’ q’ij rech noviembre rech ri junab’ 2019