Eri DIPANDA xkiya’o utzijolil chi ke rajawtzij rech ri Sistema rech Integración Centroamericana ri’

40


Pa k’iyalaj q’ij eri q’atb’altzij rech ri Wokajil Jachakunb’al rech Q’atel Pandillas (DIPANDA), rech ri Wokajil Ajchajil Tinamit (PNC) ketajin k’ut pa ub’ixik ri chak kakib’an ronojel taq pa le kaq’atexik ri pandillas pa we amaq’, chi’ k’u ri’ xkiya’o ub’ixik nik’aj winaq salvadoreños xechap loq are xkiya’ loq ub’ixik pa le riqb’alil rech ri Subcomisión Técnica rech Q’atel ri Pandillas ri’, are wa’ jun chi ke ri chakunem xkib’an k’u ri wokajil ajchajinelab’ ri’ rech ri Sistema rech Integración Centroamericana ri’.

Eri Subcomisario Custodio Boteo taqanel rech DIPANDA, xuya’ ub’ixik chi rij kib’antajil ri nik’aj b’anol k’ax e Pandillas pa we amaq’, jeri’ chi rij ri ub’anikil le chomanem pa le rulewal tiamit ri’ xuquje’ le chak kab’anik rech keq’atexik nik’aj b’anol k’ax ri’.

Eri Boteo, xub’ij che e k’o 100 e pandilleros, salvadoreños xuquje’ hondureños e chapom b’i pa Iximulew e taqom pa taq katinamit ri’.

K’a te kanoq ri’ pa le k’ulb’a’t juyub’ ruk’ El Salvador ri’, eri eqa’lenel rech ri Wokajil Ajchajil Tinamit, e k’o keb’ pandilleros ri xek’aqan chi kuwach kuk’ xechapataj b’i kumal pa we amaq’, aretaq xkaj xepe chi’ rech xkiwajo kib’ waral rumal ri’ xek’am b’i pa migración rech xetaq b’i.