Are upatan xub’ano ri b’iw ub’ixik loq kumal ri winaqil chi rij ri’ rumal k’ut eri awajil ri’ rajwaxik keya’ pa utz k’olib’em ri’ rumal r’ eri reqa’lenel ri Wokajil Ajchajil K’ache’laj (DIPRONA) rech ri Wokajil Ajchajil Tinamit (PNC) xkowin kesaxik pa k’ax e jo’lajk’al jo’lajuj (315) chi awajil ri’.
Eri rajilab’al ri’, chi rij wari’ xub’ij ri Taqanel rech ri Nimawokajil ri’ Edgar de la Cruz Hernández xya’ ub’ixik che e k’o 122 chi tz’ikin, 96 awaj ketu’tnik xuquje’ k’o 99 chi kumatzil xkesaj pa k’ax ri’.
Eri kajilab’al ri awajil che ri xe’esax pa k’ax ri’ are ri’ ri amonxex, ri q’anano’s, ri k’el, ri k’ot, ri tukur, ri rax k’el, patux, ri ek’, nimatz’ikin, ri kej, ri kisiy, ri utiw, ri ixpataq, ri kux, ri k’oy, ri nutrias, ri nim ixpa’ch, ri kok’, ri tolob’on, ri ixpa’ch xuquje’ ri ayin, ri ayinib’ chikopib’ ri’.
Eri k’olib’em pa we amaq’ ri’ che ri xe’esax wi pa k’ax are qas chi la’ k’ut pa nimatinamit xeto’ ri’ e 51 ri’, 42 pa Santa Rosa, 38 pa Escuintla, 38 pa La Libertad Petén, 28 pa Chimaltenango xuquje’ 24 pa Santo Tomás de Castilla pa Puerto Barrios Izabal ri’.