Eri reqa’lenel ri Wokajil Ajchajil K’ache’laj (DIPRONA) rech ri Wokajil Ajchajil Tinamit (PNC) e k’o che reyexik kakimaj ya’olchajinem Cholchak kumal Ajchajil Tinamit rajilab’al ri’ 03-2020 rech ya’ochajinem rech uq’atexik uk’ayixik ri Saqche’ xuquje’ ri tillandsias pa taq le q’ij rech upetib’al ri Nimaq’ij rech Alaxib’al ri’, xcha’ ri Taqanel rech ri División Sub Comisario Edgar de la Cruz Hernández ri’.
Are wa’ kataqixik uq’atexik ri k’ayin taq saqche’ ri’ xuquje’ rech kilik man kasach ta uwach pa taq le k’ache’laj pa tinamit ri’.
«Eri qachak ri’ are rech kaqachajij kanimaxik ri taqom ub’ixik rumal q’atb’altzij ri’ rech kala’wchixik ri k’ache’laj ri’, ri tikol wi, ri che’laj xuquje’ ri awajil rech pa taq che’ ri’, are chajinem ri’ kab’anik pa komon ruk’ ri Consejo Nacional rech Áreas Protegidas (CONAP) xuquje’ rumal ri Instituto Nacional rech Bosques (INAB)», xcha’ ri De la Cruz Hernández ri’.
Eri b’anoj chajinem kumal ajchajil tinamit ri’ are rech chajim xuquje’ rech kala’wchixik ri k’ache’laj rech ri Saqche’ xuquje’ Tillandsias che ri k’o pa taq le che’laj rech pa uwi’ taq nima’q juyub’ pa we amaq’, chi la’ k’ut pa taq ri k’ache’laj rech San Miguel Totonicapán, Tz’oloja’, Xe’laju’, San Marcos, Chinab’jul, K’iche’ xuquje’ Chimaltenango ri’.
Rech uq’atexik uk’ayixik pa awalik ri Saqche’ ri’
Xuquje’ chomatal chik jacha’ b’anom pa taq nik’aj chik junab’ kanoq rech kaq’atexik pa awalik uk’ayixik kab’anik , ri uq’axaxik pa taq nimab’e, pa taq nik’aj chik b’e, pa taq okib’al xuquje’ elib’al pa nimatinamit, pa taq nimk’ayij xuquje’ pa taq k’ayib’al xuquje’ chomatal chik kachajixik rok’owik loq pa taq krusb’e, xuquje’ xaq k’a te’et ri’.
Xuquje’ eri taqanel rech uk’olib’al chajinem ri’, rajwaxik kakib’an ya’ltzijol ub’ixik chi ke winaq, pa taq q’axtaluwach pa amaq’, pa ilob’al rech cable, pa q’axal tob’al tzij xuquje’ pa wujtzijon ri’, are wa’ rech ya’ltzijol chi ke ri winaqil xuquje’ rech uq’atexik ri b’anoj k’ax ri’ rumal q’atb’altzij ri’.
Sib’alaj rajwaxik k’ut kaya’ utzijol chi ke ri winaqil pa tinamit che xaq xu’ wiri ri INAB xuquje’ ri CONAP, ya’tal chi ke kakiqupij ri’, rech kumol ri’, rech kuk’am loq pa ch’ich’ ri’ xuquje’ rech kuk’am b’i kak’ayixik pa uwokaj ri’ xuquje’ k’o umarchamo kojom ri’, xecha’ ri q’atb’altzij.