Pa le wokomja rech ri Instituto Guatemalteco rech Turismo (INGUAT), xb’an wi ri cha’onik ri ak’al alaj ala alaj ali comisaria rech ri División rech Seguridad Turística (DISETUR), chi’ k’u ri’ eri alaj ali ub’i’ Melanie Ortiz, rech Antigua Guatemala, xcha’ik kumal ri ajcha’onelab’ ri k’o kab’lajuj ujunab’ chi kuxo’l taq ala ali che ri xek’oji pa cha’onik ri’.

Pa tzijol xub’an ub’ixik ri’, are ri’ chi rij ucholajil ri ub’anikil utinamit ri’, sib’alaj utz ub’ixik xub’ano, are ri utz tzijob’el rumal xub’an che rech xoksax che reqale’n pa we jun junab’ ri’.

Pa le ilb’anik ri’ xetatb’enik e 12 chi taq ak’alab’ alal xuquje’ taq ali rech taq ri tinamit pa we amaq’, ri xecha’ik pa jun nim raqan uwach cha’onem xb’an chi ke pa taq katinamit.

Eri Edgar Soc, Taqanel rech ri División rech Seguridad Turística (DISETUR), xuya’ ub’ixik che pa le 14 puqil ya’olchajinel chi ke winaqil pa tinamit ri’ k’o jun utz b’anoj chak xkib’ano pa le ucha’ik taq ri ak’alab’ rech xechoman kuk’ ri winaqil tinamit.

Chi ke ri e ajcha’onelab’ xetatb’en ri’ ri tata’ ub’i’ Carlos Quiñónez, subdirector General rech Nab’ejsab’al q’atel k’ax rech ri PNC.

Pa le cha’onik ri’ che ri xb’an pa le uq’ijolil rech ri 22 junab’ chik katajin che uchak patan ri DISETUR ri’. Rumal ri’ k’o jun nim tijowanim kab’an na pa le 29 rech noviembre rech 8 kilómetros chi’ k’u ri’ konojel ri kakaj ya’tal chi ke e are jun wari’.