Eri DISETUR tajin ketob’anik pa le Comisarías pa le tzukunik rech uq’atexik b’anoj k’ax ri’

E xmajtaj loq enero pa le ik’ rech julio rech pa junab’ ri’ eri División rech Seguridad Turística (DISETUR) pa taq le kajlajuj uk’olib’alil b’anoj chajinik, rumal k’ut xk’utun ri jun itzel yab’il Coronavirus COVID – 19 k’o k’i taq tob’anem xkiya’ chi ke ri comisarías pa le jalajoj ya’olchajinem xuquje’ tzukunik ri’ pa le yaltzijol rech uq’atexik ri jun itzel yab’il pa taq tinamit ri’.

Rumal ri’  k’o tob’anem ya’olchajinik xkib’an pa taq le k’ulb’a’t juyub’ pa amaq’il, pa taq tinamit che ri k’o wi rachoch uk’olib’al ri DISETUR ri’, pa taq nimab’e, pa amaq’el k’ut k’o tzukunem ya’olchajinik xkib’ano pa taq le sitios arqueológicos xuquje’ pa kik’olib’al e wa’katel winaq pa we amaq’ xuquje’ pa nimatinamit ri’.

Sib’alaj k’o upatan kaya’ ub’ixik che eri e ajchak e are xkijacho kib’ pa le b’anoj tzukunem ya’olchajinik kuk’ ri reqa’lenel taq ri Comisarías ri’ rech ya’el uchuq’ab’ ri b’anoj ya’ltzijol xb’antaj pa taq tinamit rech uq’atexik ri jun itzel yab’il coronavirus COVID – 19 xuquje’ pa le uq’atexik ri b’anoj k’ax chi ke ixoqib’ pa taq kachochwinaq ri’, rumal ri’ k’o pimawuj xenak’ cho taq xan pa tinamit rech ya’ltzijol rech uqatexik ri jun k’ax ri’ ruk’ ri qupin che’ pa le Uwi’ juyub’ kab’e pa Baúl.

Eri rajilanik ri b’anoj taq k’ax ri’ xya’taj utzijol rumal ri e ajchajil tinamit are xkib’ij che e k’o 97 chi winaq xechap loq pa Retalhuleu ri’, e k’o 84 xechap loq pa Panajachel, k’o 59 xechap pa Antigua Guatemala, e k’o 45 xechap pa Puerto de San José, e k’o 38 xechap pa Chichicastenango, e k’o 34 xechap loq pa San Pedro, e k’o 30 xechap loq pa Cobán xuquje’ e k’o 21 xechapataj loq pa Lívingston rumal b’anoj taq k’ax ri’.

Alerta de Corrupción

Ultimas noticias