“Kojtajin che jun b’anoj tob’anem rech umolik jastaq kech ri winaq xkiriq k’ax ri’, eri molb’al rech k’o pa le Dirección General rech ri Wokajil Ajchajil Tinamit (PNC) k’a pa q’ij jueves ri’ rech chi’ tajin umolik wi jastaq ri kapusir taj kach’amar taj, jacha’ ri’, atz’iyaq, xajab’, jastaq rech ch’ajb’al kib’, kuchb’al kichi’, rech kajach chi ke ri keriqitaj pa le k’axk’onem ri’, pa Izabal, Alta Verapaz, Huehuetenango, jeri’ pa taq nik’aj chik tinamit ri’”, xcha’ ri Manuel Guarán rech ri Sub Dirección rech Q’atenik b’anoj k’ax (SGPD) Taqanel rech runimal cholchak rech ri Wokajil Ajchajil Tinamit (PNC).
Xub’ij chik che pa nimaq’ab’ ri’ xk’ul panoq jun nim eqa’nib’al chi jastaq ri xkimolo ri winaqil, ajk’ayib’ xuquje’ rumal jun wokajil e ajchoq’e ch’ich’ rech ri tinamit Retalhuleu xuquje’ are xmol kimal ri reqa’lenel e ajb’anol toq’ob’ wokajqil ri’ che ri xek’oji pa ucha’ik utasik pa junamil ri jastaq xmoltajik rech kijach chi ke ri winaqil che ri xkiriq k’ax ri’, ri are upatan xmolotaj ri’.
Eri Guarán xuya’ ub’ixik che ri k’olib’alil rech molib’al jastaq ri’ are jaqalik chi paq’ij chi chaq’ab’ ri’, jeri’ we kamik, jeri chuwe’q martes xuquje’ pa miércoles ri’ are rech b’a’ ke’opan ri winaqil ri kepe pa jalajoj taq wokja rech pa nimatinamit ri’ jeri’ kuk’ ri winaqil kepe pa taq nik’aj chik tinamit panoq pa le kipetik che uya’ik jastaq kakisipaj chi’. Xuquje’ we jeri’ kikaj kakisipaj jastaq pa taq le tinamit rech pa we amaq’ we kekowinik ke’opan che uya’ik ri jastaq pa taq uk’olib’alil ya’olchajinem kumal e ajchajil tinamit winaqil ri’ pa we amaq’ rech chi ke ri winaqil ri rajwaxik chi ke.
E k’o k’i chi pickups e nojinaq che jastaq rech wa tzuqb’al ri winaqil e cholajisam loq, xuquje’ k’o nik’aj chik maja’ na kecholajisax ri’, xuquje’ k’o kuchb’al kichi’ ri winaq ri’, k’o ixim, kinaq’, aros, aseyt, kunb’alil wa rikil, margarin, kinaq e suk’ub’im chik pa taq k’olib’al, wuj rech kakisu’ kib’, wuj rech su’b’al kiq’ab’, joch’ rech kakitijo, kita’q ne’, juntir wari’ kapusir taj, are utz upetik loq.
“Na’taj b’a’ chiwe are rajwaxik utz atz’iyaq’ xuquje’ utz xajab’ ri rajwaxik xuquje’ we k’o sábanas, are wa’ rajwaxik ri’ rumal k’ut e k’o winaq man k’ot chik katz’iyaq kakikojo, xaq jun ri’ kikojom, juntir utz atz’iyaq’ ri’ utz b’a’ upetik loq”, xcha’ ri Sub Inspector rech Ya’olchajinem ri’.
Eri wokajil ajchajil tinamit k’o jun sik’inem kub’an chi ke konojel ri winaqil ri utz kanima’ rech kepe b’a’ che uya’ik jastaq chi’ rech jun nim tob’al chi ke ri aj ixim winaq ri’ ri k’o jun nimalaj k’axk’onem xkiriq k’ut rumal ri jun nimalaj kaqiq’ jab’ ub’i’ ETA.