Eri e ajchajil tinamit xetob’an che uchupisaxik pora’n pa k’ayib’al

Eri e ajchajinelab’ rech ri comisaría rech Escuintla sib’alaj xetob’anik pa le chupisan pora’n pa le nimak’ayib’alil rech pa tinamit Tiquisate, Escuintla ri’.

Eri pora’n ri’ are xmajtajik chaq’ab’ rech pa q’ij domingo kanoq xuquje’ are xb’antaj kowonem ruk’ xchupisaxik pa keb’ kajb’al rech pa nimaq’ab’ we q’ij kamik xecha’ ri q’atb’al tzij. Chi la’ k’ut sib’alaj xetob’anik ri winaqil rech xkichupisaj ri pora’n ri’.

Pa k’isb’al ri’ eri xb’antaj ri rilik che k’o 70 chi uk’olib’al k’ayib’al xeporotajik xuquje’ e k’o oxib’ winaq xek’am b’i pa ja rech kunanib’al ri’.

Chi la k’ut sib’alaj tajin uchajixik wi kumal e ajchajil tinamit rech ri (PNC), rech kq’atexik ri winaq che ri kakaj tane’ kakeleq’aj ri jastaq rech kak’ayixik chi’ che ri man xporotaj ta rumal xopan ta ri q’aq’ chi rij ri’.

Noticias Recientes