K’o 30 mil 254 wujstiker rech pixab’nik xkijacho rech tzijol chi rij uq’atexik ri jun itzel yab’il (COVID-19) are wujil ri’ xkijach chi ke taq ri winaqil rech jalajoj taq kipetib’alil pa marzo k’a we kamik, eri reqa’lenel ri Subdirección General rech Q’atenik k’ax ri’ rech ri Wokajil Ajchajil Tinamit (SGPD-PNC), are wa’ jumulaj uwach b’anoj q’atenik k’x ketajin che ub’anik rech ya’ol utzil chi ke ri winaqil e aj iximulew ri’.
Eri subdirector rech Q’atenik k’ax, Héctor Hernández, xkiya’ loq reta’maxik chi rij upatanib’al ri ronojel taq ri cholchak xuquje’ ri ch’ob’otal chak ri’ rech q’atenik k’ax.
Are wa’ chakub’al xjach ri’ ruk’ utob’anik ri jupuq tinamit kuk’ winaq e rech naj ri’, pa ronojel ri’ k’o 90 mil 140 chi k’ayib’alil (ch’uti’n k’ayib’alil, nima k’ayib’al, q’atb’altzij, xuquje’ ri ajkalte’ib’ ri’).
Eri ajchajil tinamit k’o 22 mil 404 chi wujstiker peraj pimawuj xkikoj pa taq tinamit ri’ rech pixab’nik chi ke winaq rech uq’atexik ri jun itzel yab’il rech ri COVID19 pa we amaq’. Xuquje’ k’o 699 chi pimawuj rech tzijol chi rij taq uq’atexik ri jun itzel yab’il ri’.
Xuquje’ k’o 2 mil 260 chi wujtzijol xuquje’ k’o 14 mil 4445 chi wujstiker xkijach pa tinamit ri’ chi rij ub’ixik “Chajib’al ib’ maj b’anoj k’ax” are wa’ rech kab’ix chi ke ri winaqil maj b’anoj k’ax kumal pa taq kachoch ri’. Jeri’ k’o 2 mil 080 chi wujtzijol xekoj pa taq k’ayib’al, pa taq ch’u’kaj ri’ xuquje’ cho taq raqan k’amk’axq’aq’ ub’ixik pa “Kch’ab’al Winaq ri’”, rech k’ax taj kopan ub’ixik wari’ chi ke konojel ri winaqil ri’.