Pa q’ij viernes kanoq, eri reqa’lenelab’ ri jalajoj taq comisarías xuquje’ ri jachakub’al rech ri Wokajil Ajchajil Tinamit ri’ ub’i’ (PNC), xkimaj ri b’anoj tob’anem pa taq tinamit rumal ri jun k’axk’onem tajinik, jewa’ ketajin che ub’anik rumal xk’e ri kaq’iq’ nimajab’ ri’ ub’i’ Tormenta Tropical Julia ri xub’an nimak’ax pa taq ri wokja pa we qatinamit, rumal k’ut xetzaq loq ri juyub’, xetulub’ loq xuquje’ xusipaj ri nimaja’ ri’.
Rumal wari’ eri reqa’lenel e ajchajil tinamit sib’alaj ketajin che kito’ik ri winaqilal che ri keriqitaj pa k’axk’onem ri’ pa San Juan Cotzal, Quiché, rech xkiq’axe’j pa jun chik k’olib’al ri keriqitaj pa raqan ri nimaja’ ri’.
Pa Cobán, Alta Verapaz, pa nimaq’ab’ we q’ij kamik xe’esax wajqaxib’ chi winaqil chi la’, kuk’ e oxib’ ak’alab’, rech xek’am b’i pa jun k’olib’alil k’o pa rulewal tinamit ri’ rech kakiriq ta k’ax.
Pa le aldea Yulwitz, San Pedro Soloma, Chinab’jul ri’, eri e ajchajil tinamit rech q’atenik k’ax, xkito’o e jo’lajuj chi winaqil e alaxik ri’ rech xkik’am b’i pa jun chik k’olib’alil ri’ rech xe’esax pa ub’e r nimaja’ rumal xsipaj runimal ri’.
Eri reqa’lenelab’ ri comisaría rech Salamá, Baja Verapaz, sib’alaj pa aninaqil xetob’anik pa le kilómetro 130.2 pa uwi nimajuyub’ ub’i’ Santa Elena, nimab’e kab’e pa verapaces rech xkesaj ri che’ tzaqinaq chi la’ rumal ri kaq’iq’ nimajab’ ri’.
Pa le kilómetro 81 RN14, Ciudad Vieja, Sacatepéquez ri’, chi la’ k’ut eri reqa’lenel ri PNC, xkesaj w jun che’ xtzaq chi la’ pa le nimab’e ri’ rumal ri nimaja’ tajin chi la’ xuquje’ rech maj jun ch’ich’ kuriq tane’ k’ax ri’.
Eri reqa’lenelab’ ri comisaría rech Chimaltenango ri’ ketajin pa nimatob’anik chi ke ri winaqil chi la’ xuquje’ chi ke ri e ajb’inisal c h’ich’ rumal ri uwo taq juyub’ ri che’ tzaqinaq loq chi la’ pa le kilómetros 92 xuquje’ 98.5 nimab’e Interamericana ri’.
E pa Santa María Nebaj, Quiché ri’, eri reqa’lenelab’ ri PNC pa amaq’el ketajin che uchajixik we kanimar ri nimaja’ chi la’ k’ut rech sibalaj ketob’an chi ke ri winaqil ri’.