Rumal k’ut ri jun b’anoj k’ax xkib’an pa le wuqub’ q’ij rech octubre pa San Miguel Petapa, Guatemala, chaq’ab’ ri’ eri Ministro rech Gobernación, David Napoleón Barrientos ri’, xkiya utzijol pa q’axal tzijolinem ri’ eri nik’aj ajchajinelab’ xkib’an ch’ayonik tajin utzukuxik uwach ri b’anoj k’ax xkib’ano, tajin utzukuxik wari’ rumal ri Ministerio Público ri’ (MP).
Pa le b’anonem ri’ xopan wi ri’ Secretario de Comunicación Social rech ri Presidencia, Kevin López xuquje’ ri K’amal b’e rech ri Wokajil Ajchajil Tinamit (PNC), Edwin Ardiano, ri Subdirector rech Investigación Criminal, Adal Najarro, ri Inspector General, Jaime Chacach xuquje’ ri Fiscal Regional rech Coordinación Nacional, Dimas Jiménez ri’.
Eri Ministro Barrientos ri’, xub’ij eri chak kakib’an ri e ajchajinelab’ ri’ are xk’utun uwach pa le Uk’u’x Ub’e’al ri Cholchak rech Transformación Policial ri’ rech kuterne’j ub’anik kichapik nik’aj e ajchajinelab’ che ri kakib’an ri k’ax ri’.
“Pa abril ri’ k’a we q’ij kamik e chapom chik e jo’ob’ chi molaj b’anol k’ax e k’i e ajchajinel e k’o kuk’ ri’ ri chapom chi b’i pa q’atb’al tzij ri’”, xcha’ ri Taqawokajnel rech ri Ya’olchajinem pa Amaq’.
Rumal ri’ eri Secretario rech Comunicación Social, Kevin López ri’, xub’ij eri K’amal b’e Amaq’ Alejandro Giammattei ri’, man karaj ta uwach ri’ b’anoj k’ax kumal ri nik’aj reqa’lenel ri Wokajil Ajchajil Tinamit ri’ xuquje’ kechap na ri’ rech kakitoj pa q’atb’al tzij ri k’ax che ri kakib’an ri’.