Eri e sak’ajil ajchajinelab’ xkiriq k’aqb’alil xuquje’ xkichap waqib’ winaq ri’

Pa jun aninaqil ya’olchajinem tzukunik kumal e ajchajil tinamit ri’ chaq’ab’ ri’ rech ri 21 ruk’ pa nimaq’ab’ rech ri 22 rech septiembre ri’ pa Ciudad Quetzal, San Juan Sacatepéquez, Nimatinamit Iximulew xuquje’ pa Retalhuleu, xb’antaj kowonem xriqitajik jun nima eqa’n chi poq’sab’al k’aqb’alil ri’, ruk’ wa’ xq’atataj b’anoj k’ax kamisanik chi ke e juk’al chi winaqilal ri’, jeri’ xuya’ ub’ixik ucholajil ri Edwin Monroy ri’, rajtzijolinel ri Wokajil Ajchajil Tinamit.

Eri reqa’lenel ri comisaría 16 ri’ xkiya utzijol che xb’antaj kowonem e nik’aj winaq xechapataj ri’ pa nimab’e kab’e pa Ciudad Quetzal e are ri’ nik’aj kib’i’ Jairo Anelson Poitan Colom, 36 ujunab’ ri’, a Pedro Gerbert Matta Azurdia, 46 ujunab’ ri’, a Diego Andres Mencos De Paz, 25 ujunab’ ri’ xuquje’ a Rudy Reyes Hernández, 48 ujunab’ ri’.

Eri nik’aj winaq ri’ e are e b’enaq pa jun alaj ch’ich’ ri’, ruk’ le placas rech kab’inisaxik P-607GJC, chi la’ k’ut xeq’atex wi kumal reqa’lenel ri PNC rech xtzukux upam ri’ kuk’ ri winaq xtzukux kitzijol ri’, pa le ch’ich’ ri’ xriqitaj wi jun k’aqb’al 9 milímetros ruk’ k’olib’al ub’aq’ xuquje’ ruk’ waqlajuj chi ub’aq’ k’aqb’al ri’; jun k’aqb’al rch Smith & Wesson calibre 45 mm ruk’ k’olib’al ub’aq’ xuquje’ lajuj ub’aq’ k’aqb’alil; jun chik are Glock calibre 40 ruk’ k’olib’al ub’aq’ xuquje’ ruk’ lajuj ub’aq’ k’aqb’alil ri’; jun Tauros calibre 9 mm, ruk’ k’olib’al ub’aq’ xuquje’ oxlajuj ub’aq’ k’aqb’alil; jun Girson calibre 40, ruk’ k’lib’al ub’aq’ xuquje’ lajuj ub’aq’ k’aqb’alil xuquje’ jun raqarik k’aqb’al AR15 ruk’ keb’ k’olib’al ub’aq’ xuquje’ juk’al lajuj ub’aq’ k’aqb’alil ri’.

Pa junamil ub’anik ri’, eri reqa’lenelab’ ri Wokajil Ajchajil Tinamit rech ri comisaría 34 ri’, xkiya utzijol che xchapataj loq jun achi ub’i’ Héctor Alberto Marroquín, 50 ujunab’ ri’ xuquje’ a Esteban Yovany Cabrera Batres, 22 ujunab’ ri’, pa le calle Real rech ri barrio San Luis, San Sebastián, Retalhuleu ri’, kab’ixik are chi’ e b’enaq pa jun ch’ich’ picop P-826BVL, saq rij.

Eri nik’aj b’anol k’ax xechapataj ri’ keqam b’i oxib’ kupkik k’aqb’al, jun q’ateb’al kiqul, kajib’ k’olib’al ub’aq’ k’aqb’alil, ruk’ 150 ub’aq’ k’aqb’alil jalajoj ri’, oxib’ rijxa’, atz’iyaq kakikoj ri PNC, oxib’ juk’ulaj xajab’, xuquje’ jun nimpasil ri’.

Rumal ri’ eri ministro rech Gobernación David Napoleón Barrientos, pa upatanil ri Wokajil Ajchajil Tinamit sib’alaj xub’ij che kuterne’j na ri ya’olchajinem chi ke ri winaqilal ri’.

Ultimas noticias

Alerta de Corrupción