Eri e’jachajil tinamit ketajin che tzukunik rech kq’atexik nik’aj kekamisanik xuquje’ e’ajtoq’il pwaq

Pa kiterenb’exik utzukuxik kuwach ri winaq xekamisaxik rumal xb’an toq’inik pwaq chi ke, rumal ri’ eri reqa’lenel rech ri Subdirección General rech Investigación Criminal, pa komonchak kuk’ e’ajq’atol tzij rech ri Ministerio Público, k’o lajuj chi tzukunik uwach xkib’an pa Mixco, Villa Nueva, San Juan Sacatepéquez xuquje’ Chinautla, rech xkichap loq uwinaqil ri jun molaj b’anol k’ax kib’i’ Little Psyco, rech ri Barrio 18.

Eri q’atb’al tzij ri’ xkiya’ loq ub’ixik che ri winaq tajin kab’an k’ax chi ke e are ri e’ajk’ayinelab’, e’ajchoq’e kuk’ e’ajb’inisal ch’ich’ xuquje’ ri e’ajtob’anel chi kech pa taq le ch’ich’ pa tinamit, ri kuk’am b’ik winaq pa tinamit rech Uqajeb’al q’ij pa amaq’ ri’.

Eri q’atb’al tzij rech e’ajchajil tinamit xkib’ij eri kawinaqil rech jun pandilla ri’ are chi’ kurilo man katoj taj ri pwaqil keb’e che kik’aqik chi k’aqb’al, rumal k’u ri’ e k’o winaq e kaminaq kumal.

Eri e’ajchajinelab’ ri’ ketajin che utzukuxik ri k’aqb’alil, itzel kunb’alil, ch’a’wib’al eleq’am b’i, tarjetas SIM, ch’ich’, pwaq t’ub’ulik b’otolik, xuquje’ xkichapo loq: e’ajb’anol k’ax, e’ajk’ayil e’jq’axel k’aqb’alil, ri e’ajb’anol kamisanik xuquje’ ri e’jtoq’il pwaq chi kech e’ajchoq’e ch’ich’ kuk’ ri e’ajb’inisal ri’.

Xuquje’ pa taq le tzukunem ri’ xchapataj wi loq jun achi kab’ixik xukamisaj jun chik winaq pa Villa Nueva, are wa’ xb’antaj kumal reqa’lenel e’ajchajil tinamit rech Delitos Contra la Vida rech PNC xuquje’ MP.

Noticias Recientes