Eri eqa’lenel rech PNC xkesaj jun alaj ne’ pa kiq’ab’ b’anol k’ax pa Jalapa

 

Maltyox chi ke rachalal pa awalik xkiya’ ub’ixik loq ri’ xuquje’ rumal xkub’ kik’u’x chi ke ri q’atb’altzij rech ri Wokajil Ajchajil Tinamti (PNC) xekowin che resaxik pa b’anoj k’ax jun alaj ne’ wuqub’ ute’t xuquje’ k’aslik utz uwach ri’.

Ruma k’ut pa aninaqil eri e ajchajinelab’ xekowin che uchapik ri jun ixoq ub’i’ María Hernández alias “La Chelosa” 20 ujunab’ xuquje’ k’o jun ali 14 ujunab’ xchapatajik xk’am b’i pa q’atb’altzij ri’ rumal are jun chi ke ajb’anol k’ax ri’

Eri tzukunelab’ ri’ xkib’ij eri keb’ b’anol k’ax ri’ e are uwinaqil jun molaj b’anol k’ax kib’ “Los Chelosos”, che xkib’an k’ax pa tinamit rech Jalapa ri’.

Aretaq xkito xya’taj ub’ixik pa awalik chi ke e ajchajil tinamit ri’ pa aninaqil xya’ ub’ixik ri’ xuquje’ rech naj xeterenb’exik chi’ pa tinamit aretaq e b’enaq chi rij jun kejch’ich’ rumal ri’ sib’alaj xeq’atexik ri’ xuquje’ xesax ri alaj ne’ pa kiq’ab’ utz uwach man k’ot sakom chi re ri’.

Eri rachala sib’ala xe’oq’ik aretaq xkimaltyoxij chi ke ri e ajchajil tinamit rumal xkesaj ri alaj ne’ ri’ pa kiq’ab’ nik’aj b’anol k’ax.

Alerta de Corrupción

Ultimas noticias